網誌分類：生活點滴 |
圖片
網誌日期：2009-09-24 23:07
今日放左工, 終於可以去Michael Dad & Mum屋企食長腳蟹, 好大隻呀!! 聽佢o地講呢隻蟹要成 HK$2,000. 好似咁貴咁o既... 我地之前去北海道食, 都好似約$1,000一隻, 咁呢隻未大過我地之前食o個隻好多, 可能又要加埋運費啦!! 我跟住問: 係咪今次個導遊有sale你地, 所以可以買到帶子返黎. 佢o地話唔係, 原來呢隻蟹原本是佢o地其中一晚的宵夜, 因為o個晚佢o地會好早食完飯, 所以導遊問, 大家要唔要食宵夜? 咁佢o地緊係話要啦... 因為Michael's Dad好鍾意食野, 結果佢o地好似Order左牡丹蝦10隻, 長腳蟹1隻, 帶子. 跟住個導遊都知道佢o地會食唔晒, 所以就問佢o地洗唔洗幫手入箱打包回香港. 哈哈... 咁我地先得食. 但.... 如果唔係... 佢o地兩個人要食晒咁大隻長腳蟹, 實飽到死. 重有就係原來個急凍帶子, 是佢o地主動叫導遊訂架! 今次o的帶子聽講重大過上次, 今次係屬於2級 (個盒Mark住 J), 我估J代表Jumbo掛. 上次是第4級, 好似是L.
睇下淨係個蟹身都有成把絞剪咁大!!
分左每兩人一碟, 近鏡頭o個碟是我同Michael的:
拆肉蟹柳一條: 
飯後重有巨峰提子食:
重有香港貨(菜同水餃), 但最後大家都好飽, 食唔晒 :
同場加映, 可愛羊咩咩, 佢同我屋企o個隻是一樣樣, 但佢細隻好多, 見到佢覺得好得意,細左一個碼!! 同埋佢個嘴邊度有粒墨架!! 好好笑! 
