運動運動

矛錯, 一日一小步, 十日一大步, 只要你肯踏出依一步, 已是好的開始!

不過講到要減肥, 我雖然唔係專家, 但有些方法是我自己試過又work而且也不太難實踐的...

1)首先一日三餐,早餐是最重要的,一定要食(重點係重質不重量),因為身體經過一整晚的休息,排毒,體內的能量消耗得七七八八, 所以早餐最好就係食啲高纖低脂多營養的食物;

2)其次係午餐, 午餐相對於早餐可以份量light一啲,但不是乜都唔食, 70%飽就夠(太飽容易有睡意,做野打瞌睡就唔好啦!)

3)晚餐相對是全日份量最少的一餐(但不要遲過10pm後進食,因為這時身體開始進入排毒階段),只要70%飽就夠(因為晚上身體需要的熱量相對日間少,不過都要食多少保充日間所消耗的體力)

4)Last but not least, 應該係以上三點最關鍵的要訣, 如果你細心留意, 以上所講的, 只是我們每日飲食攝取的要點, 但有入當然就有出啦! 好多人就係只有"入"就無足夠的"出"才會容易肥! 咁"出"係點"出"法呢, 當然就係出汗啦!

每日30分鐘的運動是最普遍及最ideal的運動量, 但實踐就不是易事. 其實每日30分鐘的運動量唔一定要一次過做的, 只要我地每餐飯後不要咁快坐定定, 行多幾步路先坐低, 所謂"行"不是慢慢行那種, 正確啲嚟講係"快步"行(比正常快些少, 但未至於跑) 快步行15-20分鐘, 行完你背脊有少少汗就對了!

其實只要我地每日行多幾步,纖瘦的肚腩就指日可待啦! 加油啊! 我都係時候再努力了!hehe