Cathay City

琴日攞咗一日假跟 SPACE 去參觀國泰城. 

開頭又話喺金鐘集合,  有車往返國泰城,  點知 final 出咗係要自己去.  攪到琴日一朝早起身出門口仲早過返工.  朝早悶到抽筋,  有三條友介紹 CX City 同 Headland Hotel,  類似啲 seminar,  嘩大佬,  諗住當 1-day tour 嚟行吓玩吓,  唔係要坐定定聽埋啲 CX 發跡史呀,  絕對有被昆既感覺!!!  好彩食完 buffet 後就真係參觀 CX City 同 Headland Hotel 嘞.  其實都冇咩特別,  見到啲空姐 captain 行嚟行去,  經過 training room 睇吓空姐斟茶遞水咁.  最特別係參觀個二千萬模擬駕駛室.  本來唔俾人入去參觀影相,  不過咁啱有班 pilots train 完出嚟,  另一批又未入去,  所以先有幾分鐘時間影吓相.  跟住又去 terminal 2 嗰邊既觀景台睇吓風景,  睇吓飛機升降咁..  唔,  似成班大鄉里第一次去旅行咁囉.

攪咗成日,  仲要返學,  喺車度瞓足全程,  超攰,  好彩上堂都算係冇恰眼瞓,  但返到屋企沖完涼即瞓... z ZZz z Z Z