路邊的奇蹟

                  可能我見完board，而家成個人都鬆晒，每日都好似多左好多時間。 每日返工、放工加埋都要用我個幾兩個鐘，所以我會善用時間去做我想做既事，好似睇下書，聽下歌。

                  由於心情放鬆左，我留意到好多平時唔會點理既事...............

                  平日看來人來人往的街道，除了忙碌的腳步和陌生的人影之外，仲有好多可愛可親既事，值得我一再卻步。 只要有細心去睇，路邊的石縫中原來生長左好多小花同大小不一的植物。

                  雖然佢地無肥沃的土壤，無悉心照顧的栽種者，但係佢地都可以喺咁惡劣既環境下生存。  心入面都暗暗佩服它們的生命力，忍唔住要向它致敬。            

                  有時我有衝動想將它們帶返去屋企，因為覺得佢地好可憐，當路人無意地踐踏，汽車任意在它們身上搌過，心裡而都會為此擔心難過。 有好幾次我停低，細心咁觀察，原來人類既力量有時都幾卑微，因為小小既植物竟然係絲毫無損。 只係我枉費心唶！ 如果將它帶返屋企返而會令佢因為唔適應而枯萎。

                  原來每日返工既路上都有好多小生命陪伴我左右，每一段路行起上黎都唔寂寞，因為路途縱然崎嶇、遙遠，但係小花、小草總會默不作聲咁常伴左右。               

                  每當我行過佢地身邊，我都會望吓佢地，心入面同佢地打個招呼。當見到佢地好茁壯咁成長，我都會感到生命所帶黎既奇蹟。

(其實它們一樣好靚，好值得欣賞！)

   (如果我們都好似佢哋咁，生活在咁差既環境，你會捱得過嗎？你會放棄嗎？)

                   小花小草好比世界上的一些人，佢地可能好生活得比一般人艱辛， 在一般人眼中他們毫不起眼，甚至莫視他們的存在，有意無意間對佢地作出傷害、踐踏。 不過，當我哋悲天憫憐咁想去改變佢哋既時候。 我哋會發現， 生命中的奇蹟，往往只會發生喺佢地身上，而我哋本身先至係望塵莫及。