感謝科技

           有無諗過出生喺呢個年代， 其實已經好幸福！起碼唔係一個兵荒馬亂或者係石器時代。

              雖然，而家都係一個問題多多嘅世紀， 甚麼全球暖化，甚麼天然資源將近耗盡等等。 呢d都係好令人休心， 正因為我有爽爽，所以都會為佢將來而擔心。

              有時候， 我又會好知足！ 好似..........我有一個家庭(雖然單親) ，但係反而令我同個女更加親近。  我有一份工作， 它令我達到為市民服務嘅理想， 而且有一份穩定嘅收入，生活無憂。 我有一班好朋友， 有事嘅時候，佢哋總會為我分憂。 阿媽又生得我健健康康、 我阿又健康，我個女又健康， 你話我幾幸福！

               除左呢d嘢之外， 我心裡面仲成日多謝好多偉人， 佢地發明紙、顏料、電、燈、電話、雪櫃、電視機、電腦、互聯網、電梯、熱水爐、冷氣、 NDS、 印刷術、飛機、車、船.......。  令今日嘅世界加添好多色彩！

               不過我呢一刻好想多謝，發明相機同攝錄機嘅人。

               人一生有好多嘢都好難留得住，時間、 親人、朋友、愛情........。  好多好珍貴嘅回憶嘢都好難留低。  記得「鐵達尼號」中的露絲，就連一張傑克嘅相都無， 所有嘅片段只係靠惱海中嘅影像。

                好感激上述嘅發明家， 因為佢令我可以將所愛留住， 將心愛而珍貴嘅人收起...........。

                我好鐘意張國榮，有時候我會好掛住佢，所以會睇下佢嘅dvd，聽下佢唱嘅歌。 感覺.........佢仲係度！

                而我亦好掛住我嫲嫲，佢過身嘅時候， 我十四歲！ 到而家我仲係好掛住佢。  有時會掛到喊，喊餐死！  可惜當時未流行有攝錄機， 所以只有一d相片。 但如果當時有DV， 就可以影下佢落田種菜，佢打麻雀個樣，佢雄厚嘅聲線......大聲用客家話鬧我唔聽話............真係好想見下佢， 再睇下佢笑到成個雙下巴都走出黎嘅樣。  如果有DV你話幾好。

                所以， 今日好多謝科技，佢幫我留住好多心愛， 雖然我知道我留唔住我心愛嘅人， 但係我可以留住呢D心愛嘅回憶！

           .    我好愛我媽咪， 好怕有一日佢會比我早走，我知道生離死別係好正常。 不過我依然好怕失去佢！   不過有一樣慶幸嘅係， 佢好後生生我， 我同媽咪相處嘅時間有幾十年。   有時我會去計，如果媽咪死左， 我會相隔幾耐先死呢？ 我希望唔好多太耐， 因為掛住佢實在太辛苦， 我諗到都覺得辛苦，我唔知道無左媽之後，我生活會點， 甚至唔敢去諗。 所以希望而家留低多D片段，等媽咪行先之後，比自己懷念下， 時間可能會快過一D。 

              你地可能會話我悲觀或者傻， 不過我講比你知我， 我只係好愛我媽媽，好愛我爽爽！