了解

箇中真締，真係要簡單，樣樣嘢要簡單，唔好搞到大家唔開心。你睇咗周星馳以前Ｄ戲，參詳吓佢Ｄ對白同表情，你會領會將每件事都可以多方面去睇，就有多方面解決辦法，亦會用另一種眼光角度睇身邊的事，自己都會笑出來，人都開心Ｄ。唔好以為佢Ｄ無厘頭文化好低俗，你試吓用人生哲學角度去睇，佢用另一方法去處理身邊所發生的事，其實套入現實社會，有部份是可行。

人生總有悲歡離合，有高有低，你要試過唔開心，才會知道甚麼是開心。

而家時代變咗，人的思想變咗，人生道路行錯咗，只要無壞，是可以返轉頭到分岔位再行過。

婚姻是上天安排的緣份，你同前夫是有緣無份。唔使焦慮，上天總有安排。

老婆係我好辛苦追返來，個時返工係Ｃ、Ｂ、Ａ、要追更，返工前同收工後都要陪佢，好多時等佢收工。

點解要甘辛苦，因為呢個女仔我係最鍾意同鍾合得來，一心一意迎娶她成為我老婆，就是這樣，我點會離棄她，尤其結婚初期，我份人工加埋佢份每個月都清袋，兩公婆咬住牙根去捱，不過大家每日都係好開心，我有金句提醒自己，糟糠之妻不可棄，攜手同心，白髮齊眉。

人生日子好易過，緣份總有一來到你身邊，結婚並不是唯一出路，單親媽咪亦有成功例子，睇吓你用乜嘢心情去處理。

我同老婆幼時，大家都係元朗農村長大，家境好窮，長大後知世界揾錢艱難，所以我哋兩公婆拍拖同結婚都知道大家要節儉Ｄ，我由結婚當日開始到現在，我都係將自己份糧所有錢放晒係屋企，大家一齊用，我兩公婆從來無私己錢，亦無所謂家用錢，後來加咗人工，有Ｄ錢剩下便儲蓄係老婆銀行戶口，以備不時之需，個家大家都用心去承擔，夫妻本是同命鳥，憂憂樂樂共擔承。。

兩個人生活背景唔同，性格唔同，能夠係一齊生活確實有包容、有遷就。兩公婆千祈唔好嗌交，因為會互數對方之前種種不是，要講只能講呢仲事，其他不提。

佛說原無我，禪師問是誰。

凡人何以如似執著。

我哋後生年代，生活同思想都好簡單，結婚就一生一世，大家都要承擔個家庭。

我個老婆係一見鍾情，同Ｄ粵語長片劇情一樣，老婆係我柔道的小師妹，肥肥哋，唔算靚，但第一眼見到佢個心就有感覺，認定呢個就係老婆，於是開始約會，進展過程真係同粵語長片一樣，識咗９個月就訂婚，雙方家長見吓面，過多幾個月就註冊結婚，又過幾個月正式接老婆返來做李家大少奶，我哋元朗農村窮，當時無擺酒，下午屋企到會，請Ｄ親戚食飯，晚上外家係酒樓訂咗兩圍枱食飯。

夠鐘要返工，下次再談。

〝 另一半去欣賞你嘅優點，係唔難理解，但如果佢欣賞嘅係你嘅缺點， 呢個人先係一個真正了解你同愛你嘅人。〞..........絕對認同，要愛一個人唔難，但係，要真真正正了解一個人，包容、接受對方嘅缺點，呢個先係最難，如果，同一個道理可以用喺對朋友上，我唸...呢個世界會靚好多。