網誌分類：活在當下 |
圖片
網誌日期：2008-08-03 23:55
剛剛同我細佬傾電話，從傾談間知道佢轉左一份新工，知道佢近來的生活狀況，知道佢長大喇..................
我有一個細佬，一個妹。 細佬比我年輕一年， 但思想就年輕十幾年 (仲係大細路)。
因為細個無好好讀書， 所以佢搵錢唔多，但係佢一直都有個心願，就係有一架烈火戰車。 從佢開始打工，佢就開始儲錢買車，就算佢無錢開飯，都唔會賣車。
可能有人會覺得佢天真，有人可能會話抵死， 但係我知道架車代表佢嘅尊嚴、自信。
人一生追逐緊嘅係乜嘢？
當你用盡心思、費盡力氣去爭取嘅，當得到喇，可能又唔係乜嘢一回事，到頭來可能令你失去得更多！
個傻仔， 為左架車飯都可以唔食，我問佢:「架車比到你乜嘢？ 係自信？ 定係捱窮捱餓嘅回憶？ 如果你真係可以捱，我想你捱得有意義一D， 例如儲錢去旅行。 我同你都無幾多青春， 應該把握時去做D有意義嘅事。 起碼有一堆值得你開心嘅回憶！ 你有架車又點，架車可以比你自由咁喺馬路上行駛之外，同樣令你失去可以生活得更好嘅條件。」
有時我自己都係咁， 我一直追尋嘅，在我得到嘅時候，我先知道原來已經失去左好多！
LamHinG 2008-08-14 04:49
不過始終是太危險了.......一來我怕自己會開快車....
二來我又怕會給人偷 烈火戰車 應該是高危車種吧~
笑笑小女警2008-08-16 07:39
咁你就醒過我細佬好多喇！
他的野蠻女友 2008-08-05 10:49
你細佬呢個嗜好好多男仔都會..薯仔係其中之一個..不過,我覺得危險,所以唔俾佢夢想成真..
..跟住佢仲想擁有架dream car...呢次我都好贊成,話晒係佢由細到大嘅追求..不過我都有個條件嘅：就係唔可以買一d自己經濟負擔唔來嘅車..如果因為買咗架車,連食飯,入油都要諗過度過就唔掂啦...始終係人玩車..唔係車玩人啦ma....
你細佬有你呢個家姐都幾幸福..
..
笑笑小女警2008-08-05 17:20
知行 2008-08-05 01:22
玩車唔緊要，最緊要玩時玩，唔好揸快車，唔好飲酒，買個靚d既頭盔，買件烈火護甲.......
我有件9成新既醒目風褸連護甲(類似 level 2避蛋衣塊塘池)，原價$1600，細佬價$800，大碼
笑笑小女警2008-08-05 17:22
揸四個轆都要頭唔係啩！
等我細佬有兩個轆先幫襯你啦！
桃花島主 2008-08-04 12:09
笑笑小女警2008-08-04 12:21
知喇！ 島主！
馬高 2008-08-04 10:58
亞四，其實我諗每個人對人生o既追求有不同o既定義或者想法，可能妳細佬就係享受依家o既生活，可以有部烈火戰車四周圍去就係佢所想追尋o既嘢呢!
只要係佢自己付出過而又得到o既，我相信箇中原因只有佢自己知。
笑笑小女警2008-08-04 12:14
我知道，只係我唔捨得個傻仔食得唔好，著得唔好，我知佢搵錢比我辛苦，從小到大佢都唔懂得照顧自己， 我唔想佢辛苦搵黎嘅錢就係咁無晒，我寧願佢食得好D。
我更加唔想佢似我Daddy，咁大個人身上面先都唔先，有我喺佢地身邊仲可以幫吓佢地，如果我突然間走左，佢地點算！
iceicic 2008-08-04 10:54
剛剛同我細佬傾電話，從傾談間知道佢轉左一份新工，知道佢近來的生活狀況，知道佢長大喇..................
家姐,妳都知道妳個細佬長大law,還需要擔心什麼la? 佢放晒d錢係佢架烈火戰車上面,總好過拎去玩拎去fing拎去劈酒ar!
確實丫,擁有一部車真係可以令到自己自信心增強ge
笑笑小女警2008-08-04 12:08
佢有一部車其實無壞處，不過個傻仔試過無錢交車租，將架車泊街又怕比人告， 竟然瞓喺架車度， 仲做過好多傻事。 我知佢好喜歡架車， 我知， 正如我都好鍚佢一樣， 我希望佢生活得更好。 但如果呢個係佢嘅決定，只要佢無悔就得喇！
佢咁樣的確好過好多人攞d錢去食白粉，去索K仔吖！
beverly 2008-08-04 03:54
或者呢ｄ就係”夢想”啩！
為左夢想，有好多人真係不吃不喝不眠不休都得架！不過隨住年紀漸長，因為我地既經歷同理智，令我地既夢想慢慢．慢慢咁消失！
有夢想既人，係好年青，而且有希望既呢！
笑笑小女警2008-08-04 12:01
你仲乜咁夜都唔瞓呀？
無錯，夢想只係年青人先有， 雖然我無夢想，但係我有理想！
知行 2008-08-04 00:54
如果你唔明你細佬追求什麼，你去租一套戲睇，片名"暴走四壯士 (Wild Hogs)"，主演：尊特拉華達 (John Travolta)、添艾倫 (Tim Allen)、馬田羅倫斯 (Martin Lawrence)、威廉麥斯 (William Macy).......
睇完你會明白，電單車除了代步以外的意義。
不過香港路少樓多，中西文化背景不同，香港人好難明白 live to ride的意義。
笑笑小女警2008-08-04 11:59