M0917 mama黑色星期四

今日17/9, 黑色的一天.......

首先papa病倒了, 由昨晚開始一整天都躺着, 辛苦非常....

就是那麼湊巧地, 這星期沒有送阿妹到爺嫲處, 星期一二打風, 星期三pa ma忙過不停, 阿妹由婆婆照顧, 連湊你放學也差點遲了.....

今天papa不能起床, 頭暈身疼.........mama獨力帶住阿妹送你上學, 為了手頭工作, 電話講過不停, 好彩有婆婆幫忙照顧阿妹........!! 但工作上卻為mama帶來兩個壞消息, 令到mama滿腦子都在想著解決方法........

轉個頭......接你放學時間又到, mama又趕住接你, 再送你去上跳舞堂!!

其實全日mama都心不在你倆姊妹中, 邊揸車邊講電話, 邊幫你換衫邊講電話, 45分鐘跳舞堂, mama則講足45分鐘電話.........連幾時比個雞尾飽你食都唔知道.......

最終响電話最後電源嗰30秒中跟papa通電話, 知道papa發燒38'C, 正趕往Dr Tung處, mama立即將你交給婆婆, mama陪papa睇完醫生, 知道中H1N1機會不大後, 為安全起見, 也破例將你倆姊妹留婆婆屋企宿一宵......!!!

mama雖然心掛掛......想走去陪你哋......但剛才知道你哋10:30pm已睡了, papa mama也安心了.....!!

mama傾生意一向都好有信心, 但也少不免會遇到心術不正嘅行家, 佢哋為救達到目的會不擇手段........過程當中, mama會面對好多人性嘅真面目, 稍為EQ低啲都頂唔住........今日晨早個電話內容就令mama氣冲上天........連一個90幾歲嘅阿伯, mama都忍不住度氣, 用好重嘅語氣對佢講咗一大番說話........

mama今日都算响工作上係近3年來較為受打擊的一日, 就連上星期嘅good news都唔能夠cover今日嘅兩個bad news......

阿女, 呢個社會真係好多唔真誠嘅人.......mama真係好擔心你哋將來會遇到的人和事, 但無論如何, mama都唔想你哋做個奸姣古惑嘅人, 無論對人對事, 永遠都要抱住"真誠"二字做人!! 知唔知道呀......??