Z0722 一個遲遲的約會~Bok B與Zelene

2009年7月22日, 星期三

呢個約會原本訂喺6月, 因為auntie bok無閒出席你嘅生日party, 所以另約日子, 點知左約右約, 終於約到bok b都兩歲生日先約到今日.......其實大家住得非常近, 但mama仍笑說呢個約會可能要拖到gili一歲or你三歲.......嘻嘻.......mama一講就激c auntie bok!!

終於傍晚時份到達bok b屋企.......兩歲嘅bok b好高大, 跟爸爸一個餅印........!!

一到步, 首先大家互送禮物.......

auntie bok送你一大盒.........咩嚟呢??

嘩..........你最鍾意嘅公主系列.........扮靚化粧箱!! thank you auntie bok!!

初初到步, 你好明顯有點兒陌生.........

你第一件玩嘅玩具係呢架跑車..........可惜auntie bok無义電........but坐吓都好開心!!

初時你哋都係各有各玩, 好似冇乜交流, 只係當中有段小插曲.......就係唔知點解bok b好鍾意摸你把頭髮, 仲猛比水水你飲, 哈哈哈.......bok b真係好客喇!!

mama & auntie bok都唔理得你哋咁多, 叫餐勁嚟醫肚.......炒蜆 & 椒鹽蝦都係mama致愛!!

就响呢個時候, 又有一段小插曲......bok b想拎起你對cros鞋, 你見狀就立即大叫大鬧話bok b攪你對鞋, mama就解釋bok b係冇心嘅, 點知你就推咗bok b落地........oh no.......mama就繼續為bok b解釋......點知bok b雖然未識講嘢, 但已經好明白發生緊咩事, bok b被你推落地不旦冇喊, 仲自動走去鞋櫃攞自已對blue cros出嚟show比你睇.......哦..........真相大白..........原來bok b係發現咗你對鞋跟佢一樣, 你亦明白晒, 於是你就錫番bok b一啖, 當時bok b呆咗........哈哈哈........隔咗兩秒.........bok b突然"咔"一聲笑出嚟, 仲摸吓自己個面珠dum........bok b好可愛, 好似第一次被女仔錫, 又驚又喜.........笑到mama & auntie bok碌咗响地.........哈哈哈哈!!

轉個頭.......你好似好眼瞓, 攬住人家個cushion瞓响梳化當自己屋企一樣!! 咁你又應該係好攰, 今日游完水到依家8點幾你都未瞓過........!!

但你跟住又突然跑入bok b間房度玩..........

仲同bok b追逐, 玩到癲晒......又瞓埋bok b張床!!

哈哈.......就係呢幅winnie the pooh窗簾, 想當年(兩年前), 與auntie bok於blog.上認識, 她經常影住呢幅窗簾, 憶述bok b瞓响度望住窗簾咪咪笑.......仲話窗外係海景.......mama當時真係世估唔到........原來我哋係望住同一個位置........人與人之間嘅緣份真係奇妙!!

嘩.........阿女, 夜嘛嘛, 你攪咩.......?? 又攞咗mama盒粉出嚟化粧........??

唉.......你真係越夜越興奮, 居然教壞bok b, 爬上枱上再跳落梳化........oh, auntie bok, i'm so sorry........!!

睇到你根本眼瞓到c........但仍要繼續玩..........

第2日你拎住盒化粧箱周街走, 拎到去婆婆度話比婆婆聽auntie bok好好人......!!

仲要mama幫你卷頭髮.......!!