大菜菜子, 憎死你

唔知有幾多人鍾意食大菜膏呢? 澳門人係唔係好中意食大菜膏呢.....

雖然我唔知澳門人係唔係鍾意食大菜膏, 但我就知澳門的商人好鍾意落大菜膏

剛過去的週末去了澳門一趟, 因為今次最大的目的係去食胡椒湯底邊爐同去嘆下威斯汀的無人泳池, 所以特地係澳門市四圍走, 諗住找涼茶舖食龜苓膏清一清我D熱底先

第一天龜苓膏找不到, 卻找到大聲公涼茶, 9蚊一杯真係不便宜呢

第二天經朋友介紹, 終於找到海清純龜苓膏, 開心~ 但殊不知回到家中打開來食, 覺得味道和口感都好怪, 有點點硬, 勺起上來好似一塊塊咁, 沒有香港龜苓膏那種軟, 入口更有點爽口, 草藥味沒有, 大概係大菜的味沖淡了藥味, 最後食到一半頂唔順, 掉了

到第三天行過咖啡店, 看到櫥櫃內的芝士蛋糕木糠布甸等蠻吸引, 我買了個紅茶布甸, 朋友要一個木糠布甸。一個膠匙插入個紅茶布甸, 硬硬的, 心知不妙.....最後又係吃了兩口, 掉了

激死. 澳門人唔識用魚膠粉架咩?

P.S. 好在有其他美食頂得住

(順序: 胡椒湯邊爐, 雜菜牛骨麵, 豪華早餐自助餐, 架喱牛利麵加蛋, 安德魯葡撻 )