xmas decoration 4

聖誕後才有機會去逛下其他地方~~~
朗豪坊的甜品系列~~
但係甜品同藍白色其實唔係咁夾lor....而棵大cake tree...
其實在地下係睇唔到乜滯既...要上樓上先睇到

09年首天去左time square~ 岩岩趕得切未拆, 1月1日係last ar...
不過就搬晒入去了, 好多遊客同棵白色樹影相呢

世貿中心既琉璃樹, 起初睇雜誌以為紅綠色, 點知黎到係紅白既 o_O
本身棵樹都ok既, 但係全場得一棵樹, 無其他襯托,
總係孤零零怪怪咁, 其實可以加d野豐富d呢...

聖誕過後連續數天都外出跟朋友們吃飯呢, 開心~ haha
仲睇左《神探伽俐略 容疑者Xの献身》, 唔知點解好鐘意睇佢套劇,
所以走左去睇電影~~ 我絕對唔係因為福山雅治而睇架.....
可能係我鐘意睇偵探/物理/頭腦有關既野, 就等於我好鐘意做 IQ test咁,
人地話有條勁難數學題我就會好想試下做~
電影版同劇好唔同....個次序係倒番轉黎, 都幾好睇^^
最後都有d感動架, 不過當畫面一男一女在喊時, 全場觀眾在大笑啊=.=
期待下輯~~~

今年聖誕及新年過得比舊年輕鬆呢~
因為科目的last lesson都沒有擠在一起吧! 今學期只餘下兩科就放假啦~~
而我都把project做好了, 只差回校present, 實在太開心了!!
昨天開始溫日文..因為沒事做.......悶悶的....
我要再積極d搵工la!!!!