瘋狂的節目

31/10/2009星期六

今日halloween

無去狂歡

因為都一把年紀

已經無嗰d mood去 fever囉

亞囡又一早宣佈佢今日有佢嘅節目

唔準我同honey跟去喎

我同honey惟有自己搵嘢攪囉

我就成機去咗做一樣瘋狂嘢

就係同兩位去同道合嘅同事(愛靚唔愛命)

去咗扮靚靚

前一排有一位同事去咗電眼睫毛

我見電得又幾靚喎

電咗又唔駛成日用睫毛拑

一搽睫毛液就ok

又幾好喎

咁我又膽粗粗咁

約埋一齊去做

出去嘅時候有d想縮沙架

因為以前都有人叫過我電架喇

不過始終都係無勇氣試

原來都無咩嘢啫

可能先進咗比以前好咗啩

開始電緊嘅時候

美容師話我d睫毛又密又粗又硬

所以都幾難電喎

(其實我都知,因為朝朝早都要拑好奈先搽到靚靚嘛)

咁我問:會唔會電唔到呀

佢話咁又唔會,不過要電多d時間囉

我話:無問題我唔趕時間慢慢電啦

成個過程

我見美容師都不斷咁keep住巡視我對眼睇住我

如是者都電咗差不多粒幾鐘有多呀

結果做出嚟

效果都尚算滿意

電完眼我地去咗High tea

之後去寶石店尋寶兼血拚

行行吓honey打比我

叫我返嚟食飯佢等埋我一齊食

我話仲尋緊寶唔得閒食飯喎

返到嚟都好夜喇

唔好等我啦.....結果梗係比honey省啦

(因為前前去咗海洋公園玩撞鬼,honey無人陪呀,陰公)

咁就惟有早d返歸陪honey囉

有嘢估

響寶石店買咗其中一樣嘢

估唔估到佢係用嚟做咩架呢?

答案:面部按摩器