豬肉乾一塊

好朋友空運来的愛心零食已给掃得8899落肚.   每樣只剩下最後一包; 所以唔舍得食呀.   突然想起一直都想試下整肉乾.   去肉檔買瘦肉; 要7分瘦; 三分肥; 搞碎.    返到屋企再加D糖,生抽, 玫瑰露酒再加叉燒醬;  入味之後就可以,把它差扁成一薄塊.   放入侷爐, 175度, 每邊15到20分鐘; 再查蜜糖; 放翻入去再侷多5分鐘.   搞掂. 

第一次試做; 算是成功.  因根本就零難度; 好多blog友都整過.   或者下次可以放多小小糖就更好味喇.     連我咁入厨白痴,又非常論鬼儘的人都整到; 你就知有多容易.

下次去買D可愛公仔的印模; 可以吸出不同形狀的得意肉乾.

當然去美真香買方便得多; 但自己整係食果份满足感.  至少我又學了多一樣食物.

不過如果知道點整華園的牛肉粒/片;  就至好喇. 

*************************************************

在大衆書局無意中看到這本書;

翻下睇下都唔錯;  而且中英説明.  正想買本睇下, 聞下入面的餸香;  再反去背頁望望;  睇到印着HK$52.   香港平咁多? (星球價约港纸85蚊本)  最近我對数口终于開竅了!!   所以决定唔買.  下次返香港先去商務印買; 支持香港零售經濟.