Q版星球陸羽茶楼

多得回教徒的開齋節; 可以有三日long weekend 抖抖氣.  講真; 我的確很佩服他們可以在齋戒月; 每日十多小時不食之外重可以滴水都唔飲.  靠的是個人的意志和宗教的信仰来度過每日那十多個鐘.   

今日下午约咗朋友出来tea.  你地唔好以為我成日都好多weekend programs呀.  我平日好深歸(or 閨?)的喔.  今日的是半公半私所以才出来咋.

约好咗在星球的新地標- ION Orchard 見.      好靚的建築物, 主要是高檔名牌店; 但basement以下的就是普通的大路牌子商店和餐舘.   冇相睇.  要睇就自行上網search 下再望一望. 

見面後; 互問對方想去邊到tea.   要西tea或中tea.   我地大家都話是但啦, 你鐘意咯.   之不過其實大家一早都心中有個共同目標!  卻又怕對方另有打算窝; 所以就懶客氣; 扮嗮嘢咁. 

原来大家都想去吃下陸羽茶室.   雖然有人同我講過話唔多好食; 但我就是那些不自己揾到答案不死心的人;  所以就算不合格也食下一次都ok.

差D看不到個入口.  因没料到它是用半foodcourt的形式經营; 既是門口有外賣的counter方便foodcourt的食客; 要堂食的就在counter旁的小小通路行入去.   可能是自己 心中一直在自行把它倒模跟香港的樣相似吧.

入到去;   地方不大, 一眼睇嗮.  只可以容纳不多過50人.  而且不用等位就馬上有枱了(有人带位; 所以不必要用纸巾霸位!! ).

剔咗幾樣例牌. 

茶 :  每位SGD3蚊.

點心大部份由SGD4蚊起除咗小小部分4蚊楼下之外

好似冇加一但就肯定有收7% 消費税.

上面的7樣點心; 埋單盛惠SGD34.90（after tax).   

结論 :  果壷香片冲得都幾香.  食物? 如果你是带着香港陸羽的期望; 那就可能不達標.  相反如果只是當它是一般的飲下茶, 吃下點心; 其實它又不是我聽聞中咁差ge.  起碼好過好多星球人賣的變種港式點心.

不知它是香港的分店又或是新加坡人買咗個franchise来做的呢? 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

上一篇提到在KL某食店的粥好正; 好棉; 特别是我最愛的艇仔粥;  這店名叫CANTON-i在KL Mid Valley 之外; 它已静静地在星球的ION Orchard 三楼開咗分店; 一模一樣的装修; 下次可以去食下.    此外香港Three-Sixty也開在4楼; ION Orchard呢個塲基本上是把那些高中檔香港有; 但星球冇的品牌搬過来; 不知是否跟這個商塲是由香港的大地主Sun Hung Kai 發展的原故.