驚嚇48小時

正所謂暴風雨前夕一定變得特別平靜, anson小檔案經過幾日既沈靜, 背後其實有驚嚇事件發生左....

話說上星期四anson放學之後, mami已經覺得佢體溫比平時高, 到左黃昏果然真係探出anson發燒, 餵左藥又嘔番晒出黎, 攪到一直都退唔到燒, mami已經心知不妙, 但無奈要等第二朝先有得睇醫生, 只好睇定d情況....

星期五一早, 發覺anson燒到39度, 由於anson未試過發燒過 38.6, mami個心已經好急, 係咁打電話去clinic, 好等姑娘一返工就book時間, 姑娘一開始竟然話全日booking full晒, 係幾番解釋下先zip到時間.....由於早排anson個鼻成日suck得好緊要, 攞左d鼻液去做test, 發現有隻virus藏左係鼻後面令到呼吸導收窄 (詳細情況實在太複雜, 醫生畫晒圖mami只明....係有隻菌攪到anson鼻suck到好辛苦), 所以要食antibiotics 10日....而今次發燒經醫生診症之後, 醫生認為係食緊anitbiotics療程時, 大部份病菌已經可以殺死, 所以懷疑anson係感染左流感, 要即刻去醫院做化驗, 但report要第二日下午先有....

當一切以為等test result先算之時, 估唔到下午係屋企mami氹緊anson nap期間, anson突然成個人震起上黎, 頭開始好興, 手腳亦變得冰咁凍, 唔夠一分鐘, 咀仔震到停唔到, 手腳仲開始變色 (變左紫藍色), mami嚇到傻左, 只識緊緊攬住anson同慌忙咁打比醫生, 而anson婆就話唔好理咁多, 即時去醫院先....

係路途中, 醫生安排好入院手續, 而anson亦未停過震, 加上佢好似好想訓咁, 但mami好驚anson mi埋左眼會變得唔清醒, 所以不斷同佢係咁講野, mami同時感覺到anson心跳得好快, 所以問佢個心痛唔痛, anson答痛之餘仲話個頭同眼好痛, 講講吓仲突然話 "o...what's happen to my eyes....it's so dirty", mami即時同佢clean la, 但anson依然話 "so dirty", 之後仲mi埋對眼 (相信當時anson燒到眼花花)....個刻mami心都離埋, 想喊但又要忍住, 不斷叫自己唔好亂, anson自己已經好驚, 如果見到mami喊, 佢一定更加驚....

終於去到醫院, 姑娘一探, 41.5度, 先同anson suck藥, 之後沖涼, 再安排照x-ray, 抽血, 驗小便, anson都係呆呆滯滯, 但體溫開始下降....

報告係入夜終於有結果, 原來anson感染左副流感3型, 原來流感有好多種, 得流感A型有藥食, 而副流感就冇, 病徵會持續高燒, 要靠自己抵抗力....夜晚就由mami, 婆婆, maria陪住, mami當然冇乜點訓, 成晚仍然心驚膽戰, keep住摸住anson體溫, 雖然有藥食住, 但燒一直冇完全退過, 高高低低....

到左第二朝 (星期六), 醫生睇見anson進度尚算良好, 建議可以黃昏出院, 係屋企觀察, 返到屋企mami唔敢鬆懈, 都要keep住量體溫....

直到星期日, anson d燒終於退晒, 大家亦鬆一口氣, 但mami可能體力透支, 仍然係緊張狀態 夜晚依然訓得唔好, 不過見到anson跳來跳去, 精神番, 真係安落晒....

小朋友病真係唔講得笑, 擔心之餘, 心情簡直跌到落谷底, 但願各人身體健康, 健康真係最重要~