通山跑@東龍島

2009年11月21日 (六) 部 分 時 間 有 陽 光 及 乾 燥 ，氣溫13至17度

今次東龍島之遊，時間一改再改，今天終於成行。

我地10:30由西灣河坐林記街渡出發，逢星期六、日係西灣河避風塘開出，船程約為三十分鐘，來回船費為三十大元。

今日好大風，好在我有頂冷帽不致令頭髮逢鬆，不過皮膚就被冷風吹得有點乾裂，要快快急救 !

呢條數百級樓梯，行到我氣喘

鹿頸灣

海蝕洞

網上好多人話東龍島路程好短，道路平垣，相當易行。

真的，由碼頭向右行到上山頂，沿路相當易行，是絕對無難度。

但你想向難度挑戰亦可，因行到山上最頂，原來巳無平路可行，喜歡挑戰難度嘅我地，唔想行回頭路，找到一段似路非路嘅草叢徑下山，此路好多碎石，樹枝高過人頭，手腳併用左穿右插，不少心就好容易擦傷手腳，此路人太少就千其唔好亂行，因我地人多有照應。(照應我呀  )

落咗山望返上去，原來跟本望唔到有小路行，我又再一次挑戰難度成功，因我唔係包尾喇 ! 好興奮 !

看見山上那些人嗎 ?

沿途風景優美

東龍島有唔少人來露營，我宿營就試過好多次，露營就一次都未試過

落到山去咗東龍島好有名嘅〝假日士多〞hea咗一陣，食咗一碗好有名嘅〝餐旦麵〞，出名在好多明星、名人到訪過。假日士多嘅叔叔嬸嬸都好健談，hea完.......仲有行埋炮台、燈塔，都巳經唔夠時間行飛來石，快快影返張到止一遊大合照，5:30回程了 !

天氣雖然不是太冷，但氣温都只有十多度，看見相中著背心那個人嗎 ? 他一年四季也是背心短褲，看見他也覺凍呢 !

開始日落.......回程了

節目未完，梗係又食埋晚飯至回家啦 !

權發 @ 筲箕灣

行山可以令人忘卻煩憂，有益身心，心情愉快 !