新鏡頭下既嘉嘉

最後一個出場，呢個就係嘉嘉啦！嘉嘉係全屋最細既一隻貓女，亦都係全屋最惡既一個，而家1歲零8個月大，點解會話佢惡，其實都唔可以用個惡字形容，因為佢係天不怕地不怕，就連全屋最年長既2個長輩(豆豆同埋妹妹)都唔多驚，好多時都會追住豆豆妹妹煩住呢兩公婆，相反其他貓貓會怕咗發緊惡既豆豆、妹妹，但係嘉嘉就無有怕，一齊鬥惡，通常咁既情況，豆豆、妹妹都會怕嘉嘉煩而走貓，但係嘉嘉又好怕醜，因為當我有朋友上我屋企，嘉嘉又會即刻閃貓，一步都唔肯行出黎，都唔知嘉嘉呢d係惡定係知道自己係全屋最細既一個就大晒呢？！

其實嘉嘉係惡既另一面，係超級嗲同埋痴人架！成日都會眼定定咁望住你，仲好鍾意瞓係你身邊又或者係身上，有時仲會用隻手仔橋住我地隻手瞓。

我好少會同嘉嘉影到相，可能因為佢係黑色而好難影，不過我會盡量嘗試影多d架啦！

嘉嘉好鍾意痴住我地瞓架！