魔街理髮師 (JJ小評...........含內容)

未睇前有D期望，因為始終都係添布頓搭Johnny Depp呢對黃金組合既電影，但睇完之後我唔敢講話唔好睇，但就真係唔係我杯茶勒，有一part唱歌仲覺得佢好鬼長氣添 (雖然成套戲大部份時間都係唱歌，但果part真係零捨悶架 )，節奏亦都好慢下，成套戲既氣氛同色調好深沉，男主角個結尾都好悲哀，除左同唔到個囡相認之餘仲親手誤殺埋自己老婆 (開頭幾驚佢會錯手殺埋自己個囡添呀)，血腥就幾血腥既，但睇慣喪C片既我梗係小巫見大巫啦。