裝修第十幕

11月22日再上屋企一轉, MARK好燈既位置, 然後去揀燈。

我同細佬間房

爸媽間房

媽咪最鍾意既廚房--外貌

大廳

左手面未完成既工程, 其實係個窗台位, 我地會嵌入式做一個櫃。

天花角線及燈糟

咩叫窗口式分體冷氣?
哩個就係分體啦~

而窗外果舊就係主體機喇~ 佢既SIZE就等於普通窗口冷氣機咁細, 所以就叫窗口式分體冷氣機喇~

洗手間, 日頭影果然D色自然好多~

洗手間趟門

大廳燈1號


大廳燈2號


爸媽睡房燈


我同細佬睡房燈


考慮會唔會加哩盞壁燈... 但成數應該唔高, 因為都幾貴下~

暫時總開支﹕
$40000 (第一期)
$500 (工人利是)
$500 (資助爸爸駕車油費)
$40000 (第二期)
$28872 (整筆瓷磚費用)
$30000 (第三期)
=$139872

開多一項開支, 就是傢俬電器開支。
暫時額外開支﹕
$7000 (一部珍寶兩匹窗口分體冷氣機)
$1500 (窗口分體機安裝費)
$5600 (兩部日立小涼伴3/4匹冷氣機)
$3021 (太平洋自動加熱清洗抽油煙機)
$2791.1 (太平洋5500火力嵌入式煮食爐)
$4100 (大廳燈x2, 房燈x2, 慳電膽x15, SEIKO掛牆溫度濕度時鐘, 護目書桌燈)  
=$24012.1

好多人問, 裝修哩D錢係咪我一個人啃晒? 其實爸媽都有份出點力的~ 媽媽大約出左5萬, 而爸爸則出左1萬,仲有每日來回天水圍同大埔既油費,  而其他既就係我啃。

又好多人認為我笨, 竟然將公屋豪裝, 簡直蠢到爆燈。

對於各人既意見, 我只會給予以下答案﹕私人樓我買唔起!! 係呀~ 我可以將哩廿萬放去做首期, 然後去供樓。但係如果我拎左哩廿萬去供樓, 我又點可以再有多廿萬去裝修間屋呢? 我點樣可以製造一個佢地想要既安樂窩呢? 我裝修目的, 都係為左爸爸媽媽住得舒服。
我細細個屋企就係住廉租屋, 我屋企人無本事買私人樓宇。住緊私人樓既朋友, 你唔會明白一個從來無積蓄既家庭、一個擁有傳統大家族觀念但唔係富有既家庭, 何來有買樓能力。家族既人讀得書少, 唔知咩係遠見, 只係識得養起小朋友, 小朋友第時大個之後, 就佢地自己攪掂。我觀乎我既爸爸既親戚, 媽媽既親戚, 有本事買樓既, 個女肯定係嫁左有錢人。我從未見過有邊個係我家族既男丁係買左樓。有既, 咪又係D男丁既爸爸媽媽將慳慳埋埋既錢倒比個仔供樓囉。
我唔知將來有無機會買樓, 但當我屋企人決定去裝修哩間屋既時候, 我地已經諗定, 哩間屋, 我地點都唔會放棄。即時將來發左達都好, 我地都會好好保留哩間公屋, 因為間屋絕對係見住我屋企既成長。
希望大家唔好再話我豪, 話我富貴!! 我都係問銀行借錢黎裝修, 每個人生存目的都唔同, 我只有一個目的: 我想屋企人住得舒服。希望大家明白。記得我之前都寫過, 如果有一日, 我相親過世, 而我又無其他人需要我去照顧, 我一定會去其他國家幫助有需要既人。我望住人地快樂, 我都會快樂。