Green Tea Latte

 一向都喜歡Starbucks嘅Green Tea Latte，不過真係好貴，要成HK$25蚊一杯，

去咗韓國就飲上癮，係韓國飲就為HK$16蚊一杯，番到嚟香港真係唔捨得飲，

上咗癮之後去Starbucks飲咗一杯，都唔係果回事，於是番屋企自己調，

用咗北海道牛奶，宇治抺茶粉，暖洋洋啱哂而加嘅天氣。



上面果杯係用宇治抺茶粉沖嘅，啲色淡啲，下面果杯係用2記抺茶粉沖嘅，

啲色好深，味道就2杯都差不多，不過有小小怕2記果杯有色素，

宇治抺茶粉價錢比較貴，要研究一下邊度有啲平靚正嘅抺茶粉先得。



做法好簡單 : 1茶匙抺茶粉加1茶匙砂糖先攪勻，加入小量熱鮮奶攪勻，

糖可以自行加減，再加入所有的熱鮮奶即成。