今日打開報纸之感想數則

1月5日,天氣終於都回暖.....

打開報纸頭版標題係"麵粉禁令,玩殘港人"...中國商務部突然宣佈對多種穀物原糧及其製粉實行配額及關税.再唔係以往咁想出口幾多就幾多,所以日後買麵包要貴啲了..中國商務部咁做最大目的係國内物價指數上升再加通賬壓力下,實行配額出口,利於缓解當時形勢.在我黎講,係國內內需強勁,要留番多啲配額供國內需求...

國際版標題係"希拉莉慘敗,奧巴馬大勝"係總統初選中,被視為大熱既希拉莉出師不利,被黑人候選人奧巴馬先勝一仗.對美國人黎講,首位黑人總統或係首位女性總統,選邊個都係歷史上既第一次!!但我同意陶傑所言,希拉莉刻意抹去自已係女性既感覺,出席公眾場合多以着褲為主,形像上刻意同其餘男候選人睇齊!!!我覺得係自悲心態,佢應該更加突出佢既女性Image(你睇戴卓爾就知!!),而唔係將佢delete!!!!

娛樂版,係講阿Paul同家強出席頒獎典禮,繼續互當對方透明!!!一對相識20幾年,有今生都未必有來世既兄弟攪成咁,我相信係天堂既家驅,都始料不及(包括我在內)....

最後祝大家身体健康,08年迎接我既第一炮,係傷風,感冒加發燒!!!