玫瑰疹

呢個星期...過得好辛苦

因為我亮亮病左...

星期日(8/6)晚開始燒, 一燒就103度, 又嘔吐大作

雖然是半夜, 亮爸一味話觀察下先...

我地又唔係醫生, 觀察下先??? 觀察幾耐都好, 如果仍然係燒都係要睇醫生ga...

so我堅持要即刻去醫院看醫生

一落的士, 亮亮又嘔, 連下午食的東西都嘔晒出來

嚇c 我喇...

醫生俾左d 退燒藥我地...回到家已是2點幾了

到星期一(9/6), 亮亮食左退燒藥都仍然是102度至103度, 而且奇扭無比

我呢個滕雞媽媽決定再帶亮亮去看醫生

等左兩粒幾鐘先有得睇....醫生advised 要即刻入院做檢查

我同亮爸都嚇左一跳, 因為留醫感覺上好似好嚴重咁

醫生話食左退燒藥都係咁高燒要搵下係咩原因

亮爸不想亮亮留醫, 但我真係好驚好擔心

如果亮亮回家仍然是高燒,我一定會再到醫院求診

如果係咁, 留院好似好d...

醫生安排檢血, 照x-ray...打針...唉...亮亮俾兩個男人按實抽血

應該是又驚又痛...喊得好悽慘, 又不停叫媽媽

我在旁邊真係勁肉赤...

10/6(二)-11/6(三), 亮亮仍然是高燒不退, 要抽鼻液, 又要驗尿

亮亮又喊到拆天

見到護士就喊, 大喊, 狂喊

而且變得好痴身, 成日要我抱, 放低佢就又狂喊

亮亮應該是嚇驚了

最可怕是亮亮要吊鹽水同打抗生素, 因為又嘔, 胃口又差...

亮亮可以做的是只有喊, 大喊, 狂喊

12/6(四), 早上終於退燒了, 中午身上開始出疹

醫生話係玫瑰疹...一出疹就代表快好番喇...

好野....亮亮今天的精神好左, 胃口也改善了

傍晚可以出院了

亮亮, 平時亮媽成日話你百厭

但原來百厭都是好事,代表你健健康康

我宜家最大心願是你能一生都健健康康!!!

後記: 亮亮住院期間, 6299+ 我媽媽+乳豬姨姨+乳牛姨姨都不辭勞苦的照顧你呢!!!