得來不易的...郵票

不知道大家對之前我跟大家分享"同事搭小巴"的事件還是否有印象!?
這陣子又一件事令我啼笑皆非, 感慨萬千!

話說我這邊有一批clerk是專門幫我們做admin事宜的..
前些日子我把一份已經簽好名蓋好印的信請其中一個clerk幫我寄去英國

照平時的話, 我們會把要寄的信放在一個out tray, 然後每天"定時定侯"有阿姐來收信然後一齊用"郵資由寄件人負責"(即不用每一封貼郵票)的形式一大lot寄出

不過因為這一封信是急件, 我等不到阿姐來收信, 所以叫我們的admin同事把這封信自己貼郵票寄出 (平時都有蠻多這種case, 所以每一個admin都有好多不同面值的郵票"壓袋")
那一天, 我把信放在她桌面, 然後圈著信上的地址, 心想她就會自動幫我製作信封寄出去...

.

.

.

.

.

.

lunch time之後這位同事走過來面有難色...
同事 : xxxxxx, 我地無郵票喎
我     : (心想: 無郵票點解同我講?) Er...無郵票.....咁要搵人買, 或者問第二個department借住先
同事 : 好難買, 應該未必有tim.....問人都借唔到, 人地未必有...
我     : (覺得好奇怪, 等唔切公司送一批新郵票黎, 咁都要落去7-11買住先...點會好難買? 問人借未
           必有, 咁有無問過先?)  Er.....買唔到呀? 樓下7-11買晒?
同事 : 係呀, 7-11無呀....
我     : 咁呀, 等一陣我諗辦法


過了一兩個小時.....
我想親自出動去問其他clerk借郵票, 不過當我經過上面那位clerk的坐位時 , 竟然看到好幾疊郵票在桌子上....

我     : ee.....買到郵票啦?
同事 : 唔係呀, 買唔到呀....呢d係一早已經係度架啦 (指她自己桌子上那幾疊郵票)
我     : (心中真的十萬個問號!!) 咁點解唔用得呀?
同事 : 用呢d?  (手指著桌子上那幾疊郵票)
我     : Er....係唔係人地架? (心想, 可能是因為郵票是其他同事的, 所以不想用!)
同事 : 唔係呀, 係我架
我     : 咁........(我已經不知道說什麼...因為再說下去的話, 無論說什麼我都會好像在串她, 而其實這
          位同事為人好nice的)
同事 : 我岩岩已經問左好多同事啦, 佢地都無"英........國........郵........
    票"

              

我     : 英國郵票? (仍然保持笑容) 點解要英國郵票?
同事 : 封信唔係寄去英國咩?
我     : (因為那同事說得好理直氣壯, 所以我開始覺得是自己蠢) 寄信去英國唔係貼香港郵票咩?
同事 : 唔係架....貼返o個個國家郵票架ma!
我     : (心想, 我是不是昏迷了幾年? 轉了制度我竟然不知道, 不過我仍然是用一個發問的態度問她) 
           咁如果我要寄信去美國, 即係我要用美國郵票?
同事 : (依然理直氣壯) 係呀, 所以我媽咪上次去美國玩之後我叫佢帶左好多美國郵票返黎! 因為我有
           個好朋友係美國, 有時寄聖誕card比佢要用...
我     : (已經開始肯定是我自己蠢) 咁但係我未聽過香港邊度有得買未用過既其他國家郵票喎
同事 : 係無架, 所以你唯有叫係o個邊既朋友send比你lor
我     : 咁如果我想寄信去伊拉克, 我係o個度無朋友咁我米無辦法拎到郵票lor?
同事 : 咁你係伊拉克無朋友, 你做咩要寄信去伊拉克?
我     : ............................... (明顯被吹漲了)

(我轉向另一個同事問 : 係唔係真架?)
(事後我才知道這位同事沒有留心我們之間的對話, 只知道我們在討論郵票事宜, 所以好求其回應了一句"係呀, 你信佢啦, 佢日日寄咁多信點會唔知")
(對, 你才是權威!)

媽媽呀, 我被徹底打敗....覺得自己好無能, 連寄信去英國要用英國郵票這種"常識"都沒有!!!

我     : 咁算啦, 放返封信係out tray, 等阿姐成batch拎去寄啦

(過了一個小時左右, 阿姐來收信)

我     : (我好想證明剛才只是一場夢, 衝去問阿姐) 阿姐, 而家寄信去英國要用當地郵票咩?
阿姐 : (用一種覺得我好無知的眼光看一看我) 唔係ma? 邊個白痴講你知?
同事 : (好明顯意識到阿姐口中的"白痴"是指自己) 咩呀, 真架...
阿姐 : 阿姐寄信多過你食飯, 你而家"叉能"我?  你咁講法, 我寄左成十年信去世界每一個地方, 佢地
          唔彈返轉頭搵我?    
          (注 : 經我分析, "叉能" = Challenge)

(由於阿姐"聲如洪鐘", 成功吸引了其他同事注意)
(其他同事紛紛問 : xxxxx, 你回魂未呀? 上星期你男朋友係新加坡寄比你份禮物, 你有無見到佢貼香港郵票呀咁?)

同事 : eee...係喎!

          

阿姐  : 唉ya, 晒我時間同你解釋 (一走了之)


事件看上去告一段落....


我     : (死心不息, 問那位同事) 你岩岩話你媽咪係美國帶左好多郵票返黎比你, 咁佢無奇怪點解你
           要買咁多一模一樣既郵票咩?
同事 : 真係無喎


大家埋位工作, 一切如常!
放工時, 同事走過來"補充"

同事 : 唔怪得我媽咪比左d美國郵票比我之後, 問左我一句最近係唔係開始"集郵"....
我     : (本來想說, 就算"集郵"都不是集那些沒有郵戳的郵票啦, 不過為了避免新一輪誤會, 我以一
           笑了之)



我身邊有好多同事, 每天都在"叉能"我的底線!