乖了點?!

2009年8月

( 2歲了! )

禽日岩岩去完健康院,

姑娘話樂樂講嘢比之前好咗好多, 唔駛再跟進!

小桃都覺得樂樂呢兩個月講多咗好多, 雖然就唔知佢講乜,

不過, 佢總係望實你repeat又repeat " Ki Li Ko Lu", 指手畫腳咁!

有時都覺得佢幾慘.... !!!

同表哥一齊串珠仔, 兩個都串得好叻!

佢兩個有時好friend架, 係要等埋一齊出街, 有時仲拖住手手行添!

不過玩玩具時, 就不得了喇...... 兩個爭到又推又撞, 出手打交架!!

睇呢張相就知道樂樂平日幾頑皮喇!

唔好以為我比佢係上面瞓呀, 係佢自己死都要爬上去扮瞓覺!

我地多數都採用"不理"政策, 一陣佢自己就會落番來!

如果你用硬功, 只會大吵大鬧收場!!

唔知係樂樂乖咗定係我習慣咗?!

呢排我好似勞氣少咗! 樂樂開始肯聽吓話喇!

好似禽晚咁, 樂樂要我陪佢瞓覺.......

我話: 媽咪要沖涼呀, 等爸爸陪你先, 一陣媽咪沖完再陪你啦!

樂樂就好乖咁自己坐係佢張床度同爸爸一齊睇書!

咁我咪入自己房攞衫啦, 入去沖涼前經過樂樂房!

樂樂一見我就即刻起身話: 沖完喇! 沖完喇!

哈哈........小朋友就係咁可愛!