布達佩斯 Budapest

喺維也納落機後，就即刻坐三個幾鐘車去匈牙利 (Hungary) 嘅布達佩斯 (Budapest)。

中途喺邊境唱錢(福林 Forint )，因為匈牙利仲未可以用歐元。不過所有邊境而家唔使check passport, 好方便。

導遊喺車上就sell我地買鵝肝(around 15 euro as I remember)，因為我地唔食所以冇買，我試過味道好似午餐肉。

我第一次去歐洲，覺得布達佩斯好靚，所有建築物都好古典，心情好興奮。

第一站係橫跨多腦河嘅鏈橋。

第二站係蓋烈特山 (Gellért Hill)。

喺度影布達佩斯全景好靚。左手邊就係舊皇宮。

跟住就去漁夫堡 (Fisherman's Bastion)。好靚好靚！

跟住就係自費活動，去布達佩斯附近一個小鎮叫聖坦德 (Szentendre)。

聖坦德因歷史原因，有希臘和塞爾維亞嘅特式。

詳細嘅唔講啦，不過其實哩個自費活動最搵笨，冇乜特別。好似你第一次黎行香港叫你加兩舊水去參觀錦田圍村咁。不過算啦，唔係人地點賺錢，心照。

令人感到安慰嘅係果道好清幽，同埋可以試到正宗嘅匈牙利牛肉湯(Goulash)！

去完聖坦德，又食晚飯，都係包餐。不過頭先啱啱先食完牛肉湯，加上搭完十幾個鐘長途機同埋時差，已經筋疲力盡冇晒胃口，食兩啖就算。

酒店係 Mercure Budapest Buda (http://www.mercure.com/gb/hotel-1688-mercure-budapest-buda/index.shtml)

不過不失啦，不過歐洲酒店唔興有冷氣，所以有D侷。本來諗住出去飲咖啡，但係實在太累所以好快睡覺。

第二日一早就去遊船河，兩邊嘅風景好靚，不過朝頭早都幾凍，得幾度，又大風。

舊皇宮

國會大廈

最後一個行程就係英雄廣場 (Heroes’ Square)。

留左十幾分鐘就離開布達佩斯去斯洛伐克嘅布拉迪斯拉發。