個女好生性

有一次, 我有d 唔開心; 我不是成日同我老公講自己唔開心, 因為有時, 佢不會安慰你, 反而, 只是講事實令你更加唔開心-這是男與女的分別 (理怛與感性)

我個女真是好好, 佢快四歲, 雖然好嗲, 不過佢好成熟, 好生性, 不枉我生了佢....哈

我果次, 同佢講, 我唔開心, 當我開始講時, 我一邊講, 佢一邊望住我; 當我講完, 佢即刻攬住我, 同我講: 「媽咪, 唔緊要啦！」當時, 我真的好感動, 可能佢未必知我講什麼, 不過, 佢聽到我講唔開心, 佢知是什麼, 亦知道怎樣安慰我....

其實, 當初希望有個仔, 因仔不用我擔心甘多, 又怕她外出夜返, 又怕她俾人佔便宜; 不過, 我個女真好成熟, 幼稚園老師同我講過, 佢是一個腦袋好多野諗, 不過不喜歡講自己想什麼的人, 雖然佢好多野講, 不過佢成日講d 好表面的野。

我好多時同佢傾談, 想知佢的小腦袋想什麼; 我怕佢什麼也不給我知, 所以, 我現在有什麼也同佢講架, 現在, 佢是我的知己之一啦!