遲來的冰皮月餅

顧明思義，今次係學整冰皮月餅。但係中秋節都過佐大半個月，仲整黎做乜。

因為之前姑姐向人取經，學識整低糖健康冰皮月餅，又整佐幾個請我食。佢見有材料剩，就問我想唔想學下點整，咁下年就唔駛再幫襯美X、大X的貴價月餅囉！呵呵~

材料如下：

1.冰皮月餅預拌粉 ($28 一包可整約10個月餅的份量)

2.北海道 3.6 牛奶 ($8.9/200ml 最貴，不過我地為求層皮有奶味，所以不惜工本都要買)

3.餅陷 (睇你自己想加乜陷，之前用剩包低糖綠豆蓉，今次加佐新陷料 - $5一大兜的紫心番薯 ，下年可以試試日本南瓜)

4.熟糕粉少許(可將糯米粉落鍋煎熟代替)

5.模具一個

方法超簡單、快捷，只需跟我影低的步驟做，應該都唔難。而且我發覺網上有太多人將步驟放上youtube，我地都係照跟住做就一次成功，所以整冰皮月餅係零難度。另外，我地今次用了預拌粉，減少了做炒粉同自製陷料的過程。

用上北海道 3.6 牛奶來拌勻，外層的皮充滿奶香味。

用磅砰每粒30g的份量，份量剛剛好！

再搓埋餅陷，放入餅皮內，就差不多大功告成！

灑啲熟糕粉、用力壓一壓，完成！收工~

唯一需要注意的地方是，片段內有提及用奇菜油，不過我地都刪減這項高脂肪的物體，造成現在的低糖低脂冰皮月餅。

竅門︰

1)搓完的粉團&餅陷要放入雪櫃雪1-2hr備用，這會比較硬身容易搓。由於冰皮粘度高，搓月餅一定要快，否則手心溫熱會令冰皮變軟，厭模時就很難壓出完整外貌，大大影響冰皮月餅賣相。

2)冰皮月餅模內灑熟糕粉，可避免冰皮月餅黐住餅模而壓不出來。

原來冰皮月餅易整兼且平，下年可以整黎送俾人食。還可以試試在粉團加上有色調味粉，令冰皮粉團不致白色那麼單調，賣相更美更吸引。

跟下面段片取經：