歡樂跑送迪迪尼

這個「奧運歡樂跑」顧名思儀真係好歡樂，因為一早已經有四千多人聚集在迪士尼，當中有不少是小朋友，真係3-60歲都適合跑步。

這次跑步沒有計時，大家都係旨在跑的過程，不過沿途實在太多人，多到有點離譜，居然塞人龍，真係唔知點跑、行好過。連跑帶行全程30分鐘左右，一點也不覺得跑了4.7公里。起初以為係圍住迪欣湖跑，點知原來係跑馬路，無景可言，臨到終點果段路都算係迪欣湖隔離啦！

跑完有紀念品攞，排佐好耐先有，俾$30入黎跑下步、攞下紀念品都抵。紀念品是米奇雨傘，蠻漂亮呢！

最意外的是原來還有下半場 – 迪士尼半日遊。之前同男友講過：「如果果日跑完有得去咪迪士尼玩就好啦，想不到的是真的有這個機會，因為男友的朋友max還在迪士尼工作。記得幾年前第一次去迪士尼都係因為他的緣故而可以免費進場，今次亦是因為他，謝謝！這次一共有3個免費quota，還可以帶埋未去過的媽媽入場。    天氣好差的迪士尼

突然的決定使我沒有準備，繼續穿著當日跑完步的衫褲入迪士尼，可幸的是我有帶多一套衫，否則臭足一天。不過這天的天氣不太穩定，間中會突然落雨，所以機動遊戲都不太需要排長龍。還記得當年為了排那個馳車天地足足排了一個多小時，玩完都覺得低b。今次所有機動遊戲都沒有玩，主要是逛商店大街、同迪士尼公仔影相、睇佐4D戲院。5個鐘頭就差不多行晒了，不過唔駛錢都值得去下。

     完~