其實乜嘢先至係真實而恆久0既呢？

其實乜嘢先至係真實而恆久0既呢？

唔知您有冇寫日記0既習慣，又會唔會在好多年好多年之後，再去睇返自己過去，過去0既自己係一個點樣既人，而今日又變成一個點樣0既人？

十年人事幾番新。

近期，我撞返好多年之前0既朋友，不同時期，有不同0既朋友，就好似，你去咗舊生聯歡會，撞到一班小學同學，當中，有當年全級最靚仔0既同學，有又肥又醜既肥仔，但係到咗今日，大家都己經改變，靚0既可以變成醜，醜0既執過之後可以變成靚。

好多好多，以前0既想法、願望，到底達成幾多，好多好多當年既美夢，又有幾多成真，又有幾多落空？

望住塊鏡，我望住鏡中0既自己，我覺得好陌生，好多人，好多事，好多情境，已經改變；就好似，我自己睇返自己個BLOG咁樣……原來，我以前係一個咁樣0既人，而今日又變成另一個人。

到底，邊一個人可以俾到答案我……