失諸交臂

知道鍾大哥猝逝，真係超級難過，前晚睇港台節目：「各路英雄」，之前好似係馮偉棠做vo嘅。唔知點解前晚係佢做，我有睇，估唔到係絕響──覺得節目裡面，鍾大哥把聲沙沙地。

我大個之後冇聽第5台，聽咗2台。但因為佢太勁，所以成日聽港台，都聽到佢把聲嘅。聽到新聞嗰時係1:00，居然個hq突然斷線，搞到我勁o嘴，次次有大新聞，港台個網上直播就係咁，上次5:00我聽到MJ走咗都係咁嘅，激死。

又係嘅，成日太想做一樣嘢，都會被一種力阻止嘅，最信有鬼就係呢個時候──嗰時我姨丈死嗰日，我搭車去醫院，因為唔識路，我放工番咗屋企先，跟住又喺架車瞌著咗，本來就唔識路，過咗站，去沙田醫院嘅，去到張碧珊個站前先識醒，司機教我搭倒頭車，我行咗勁耐，又係上番佢架車，佢叫我搭小巴，結果我都係搵極搵唔到，開始勁想喊，唯有打的，我生平第1次，一個人打的而唔同司機搭訕…我夜晚9:00幾走，我一走，我姨丈就走咗。

前日去見工，又係由銅鑼灣行去灣仔，都唔知點解，行嚟行去，鬼掩眼咁，結果遲，不過其實pccw要sell客嘅工，如果我重有得揀嘅話，真係勁唔想做！尋日再見，都係保險：紐約人壽、宏利、AIA，成日問我有乜目標，我嘅目標就係快尐搵到工，唔使再搵，有老公，有屋企，e+老公就冇，得個冇錢嘅男人，工想做嘅冇得見，見完又係等，唯有答冇囉。尋日聽到gimme5唔知邊首歌，國語嘅，想做的不能做，能做的不想做，佢勁嘅地方：

1.          唔識我，但唱出我嘅心

2.          用一模一樣嘅淺字，勁有文學美，歌名/歌手乜都唔知，但聽到頂心頂肺