「城城返嚟喇！」

兩個月無寫blog，唔係因為懶，更唔係因寫blog熱潮已過，而係無嘢好寫！
澳門睇美國隊、奧運、劉翔、香港先生、書展、旅行，都唔值得寫，唯一令我朝思暮想嘅，只有你─城城

「城城返嚟喇！」呢兩日好多朋友都咁同我講，其實大家錯晒，城城一直都無離開過樂壇，佢只係用咗三年時間用心創作，重襯住奧運完結先派歌上台，認真用心良苦！你又點可能唔支持佢呢？

最近個個都post城城上無間音樂段片俾我睇，又話好鍾意城城，自認城城fans，我吥！你邊有我咁鍾意？
當年城城plug第一首《愛意》我已經迷上佢啦！重托娛樂組同事幫我搵隻簽名CD，我呢啲先係真正fans呀！

點解我咁愛城城？因為佢真係做到佢首新歌講咁：
「together together together
全世界的朋友齊來高興」

我真係好高興！希望城城繼續為悶局嘅樂壇帶嚟歡樂啦！加油呀城城。

新碟已經率先試聽喇！城城唱功真係成熟不少，廣東話亦都正咗！唔知佢跟邊個老師學唱歌呢？

唔係講大話，我真係有城城第一隻碟架！以前城城好瘦架！不過而家「操壯」咗重好睇！