八號風球

今日突然話打風....真係一d心理準備都無.....返工前雖則話一號風球....但見佢掛咗成日依然風和日麗....以為係流嘅.....見咁好天....我仲將把縮骨遮都放低埋....(不過唔至我一個豬....fanny同我一樣....又係日日都帶遮....見今天好天又懶攞....呵呵..兩頭蠢豬)....點知返到公司已經改掛三號.....唔係真呀?????到咗7點幾......好似話晏d會掛八號喎....阿姐已經不斷打俾早更嘅同事睇吓有無人返嚟瞓喇.....睇嚟都幾堅咁喎.....咁我收工點算呢??????忍唔住又要唱...."你似季候風..吹得那樣兇"

仲記得以前打風....每次留低成班都玩到癲晒.....不過今日又無咁嘅興致......可能一嚟無心理預備....二嚟真係無準備(乜鬼都無帶返公司).....三嚟見仲有車返屋企啦.....費事聽日又要一早check-out唔夠瞓...好似條死屍咁返工...攰爆....到咗12點換好衫閃人嘅時候.....頂....突然落雨....個個都無遮.....唯有去concierge攞幾把遮頂住先啦....唔係聽日一定一個二個都淋鬼病......一出廣東道.....真係唔係講笑....大風到遮都吹返咁滯.....好在我有咁上下斤兩...呵呵......不過行到去火車站都濕鬼晒......真討厭......

其實細個嘅時候一打風就會好鬼開心...因為唔使返學嘛.....不過自從大咗....就開始好憎打風同黑雨.....因為覺得d路宿者會好可憐同埋之後一定會睇到d唔好嘅新聞.........除此之外其實仲有一個原因.....就係就算打十號風球同落狗屎....我都要返工囉.....唉......依碗飯真係唔易食........