網誌分類：小安妮上學實況 |
2008年10月2日 (星期四)
呢個晚上係配音同班同學畢業嘅大日子, 我當然約好佢哋見個面, 影吓相留念啦....
可惜因自己私人事, 未能趕及同大家影返張合照, 真係有少少可惜架 
同大家會合好, 本來打算食糖水, 但本人忙著自己的私事, 連飯都未吃添, 阿盧sir就建議一齊去打邊爐啦, 呢個主意相當特別, 因為那時已經差唔多十一點, 明天仲要上早班, 不過大家都好開心, 係無反對嘅聲音下, hehe哈哈慢慢行去稻香酒家準備滾滾下啦!
嘩! 好多人呀, 麥d人唔洗返工架咩, 同學就話旺角點會分架, 於是大家一齊等下位又吹下水囉.....
酒樓有一個吸引我嘅公仔show左出來, 俾我見到即刻流晒口水, 登登登登......................就係 "大閘蟹" 正呀!
個同學仲好笑, 話要幫隻 "大閘蟹" 影返幾張沙龍, 佢話個女超鍾意, 要影俾佢睇, 真係得意架姐, 不過都係嘅, 呢d咁叫童真囉, 唔係個個有架, ---- 車始品 ---- 
我哋一行七人, 有一位未食就走先, 真係抵死....
於是我哋六個好努力咁滾吓滾吓, 大家傾吓關於配音嘅事, 又傾吓生活經歷, 真係好開心架, 阿盧sir真係好豐富嘅生活經驗, 講咩都咁精彩, 好有新鮮感, 真係好想不斷繼續聽落去, 時間過得超快, 轉眼已經一點多了, 大家又來表演中國文化, "請客" 呢個環節.
嘩........ 女人果然係勁, 阿sir當然不敵我們女子組啦, 結果俾我哋成功 "請客" 
我哋話下次再約, 阿盧sir又語出驚人 : 好呀! 我哋下次就約去唱k啦!
每個人都牽起一陣哄動, 我當然會舉腳贊成啦 ........
配音班畢業 .... 就係呢個打邊爐活動, 笑聲中結束
BeBe 2008-10-18 13:00
小安妮, 你好！
我係一個對配音充滿興趣，及好想入行的女仔。但苦無門路。想問下你切呢，配意班是不是最好途徑？咁讀完之後，真的有接part-time job的機會嗎?
thank for sharing~BB
小安妮2008-10-21 16:27
Be Be:
配音係一個好好玩的項目, 如果想入行最好都係要修讀配音課程, 不過至於係咪有機會入行, 就真係好講求機遇囉......
就算學完入唔到行都值得嘅, 因為學配音都唔算貴呀 : )
小安妮 2008-10-09 11:17
Sith:
係呀! 佢原來都幾搞笑架, 我初班同學分開左兩班中班, 我自己畢業個班都只係影吓相就散band, 宜呢一班同學仔都幾好玩架, 所以就一齊去左打邊爐傾吓計囉, hehe
阿sir 都幾好呀, 都係忙住係亞視開工多囉!