網誌分類：小安妮日誌 |
2008年10月5日 (黃色暴雨)
今日又俾我等到睇 "喝采" 嘅日子, 上次睇第五場都只係相隔兩個月左右, 仲有少少記憶, 雖然心情無之前咁興奮, 但到有一點點期待.........
第六場跟第五場之分別, 就係有一個演員走左去中英劇團, 轉左另一個人頂上, 但呢個一樣好專業, 個樣仲有少少似前任表演者架 
我見到今次的反應好好, 一樣全場爆滿, 氣氛so good. 譚偉權 同 陳健豪都一樣做得好出色, 簡直就要拍唔停手去支持一下佢哋....
高志森一樣無出現, 希望佢哋可以加多d 薪水就好啦, 表演得咁出色, 真係值得鼓勵鼓勵. 佢哋由第一場開始義演, 到宜家咁多粉絲為他們打氣支持, 真係替他們開心高興 : )
我男友已經睇足六場, 由百多蚊張門票, 到宜家要差不多三百蚊, 但我哋覺得都係好佢嘅價值, 佢哋唱嘅歌水準比歌手還要好, 真係百聽不厭! 
我哋會期待第七場嘅來臨, 我估下年唔知幾月掛..............
完場離開演藝學院, 外面下著傾盤大雨, 但也無損我哋回味剛做完 "喝采" 的心情, 淋到成身濕晒, 都覺得開心 
BeBe 2008-10-17 18:02
hello安妮~
我對配音工作充滿興趣，但不知從何入手。眼見你已經上到配音高班，可唔可以分享更多這方面的趣事。
其實以你所知，系現階段電視台係咪已經唔會開配音訓練班？如果係的話，配音課程是不是最好的入行途徑?
睇你個blog，你提過有盧sir做tutor，係咪系香港電影學院報配意班呀?
真係好唔好意思。一係唔留言。一留言就咁多問題。希望你唔好見怪啦~因為我對配音真係好有憧憬，就好似安妮一樣~~
菲比
ACYK 2008-10-07 12:32