偷閒在蘭芳園

各位, 我返o黎啦....懶咗成個月...其實係因為上個月好多麻煩事, 依家叫做差不多 settle哂, 淨係自己隻左腳眼仲未復原...睇咗成個月醫生, 連骨科都睇埋都係唔知點解會腫...希望無事啦...

言歸正傳, 上星期一睇完骨科, 跟虾子餅到位於尖沙咀的蘭芳園嘆果杯據稱係最好飲嘅奶茶.  我地叫咗一個下午茶餐 - 奶醬厚多士 + 熱奶茶, 另外再要多一杯熱奶茶.

奶醬厚多士不過不失, 一般味道, 但杯奶茶就...

奶茶未送到時我和虾子餅都有好大期望, 可惜杯奶茶一到我地就你眼望我眼:

1) 奶茶聞落無應有嘅香味;

2) 色澤靚, 但飲落無茶味, 無奶香, 亦唔滑, 一個字 - 削

3) 唯一可取係茶溫夠熱

唉! 希望愈大, 失望愈大.  屋企樓下小店都沖得好飲過佢.