智能寶盒分享

蛋媽對JELIC好有興趣, 所以上年年尾上完親子班隨即計劃排JELIC, 教室話要2.8歲才收可以先試班.  仲話09年6月打嚟約試堂啦.  蛋媽只會早唔會遲, 因為07年實在太多小孩出世, 遲些幼稚園入學又會是另一考驗.  實在太恐怖!

點知教室口風改晒, 佢話至少等九個月至一年…..唔知幾時有位, 蛋媽話只係想排定先, 有位叫我啦.  佢依然話唔知幾時有位, 唉, 真係………點都好佢地爆係出左名, 好明白係要等下既…….等蛋爺大小小再定d會比較適合, 現在去咪又比人投訴.

JELIC 特色:-

分辦對錯的判斷力

培養情緒管理力

啟動數理邏輯思維

多角度多層次思考

創造力

來自台灣的思維寶盒

有趣的是康傑幼稚園, 出現類似智能遊戲寶盒提供給學生, 台灣出品的共200個遊戲分別有14個系列, 美術, 體能, 語言, 科學及數學5大範疇,  這套寶盒都是訓練解難能力與JELIC有點點相同, 但JELIC是建構於Montessori,相信在系統上比較優勝.  不過這個台灣製寶盒亦為蛋媽帶來點靈感, 其實可以自家製一個簡單版比蛋蛋玩下.