對話程式

之前開始實驗將同蛋爺對話延長, 因為既然佢開始識講野, 但如果可以比佢講得更清楚, 進一步強化他的表達能力, 我想他會開心的.

對話程式: 孩子表達 + 然後問兩個為什麼 + 再將他最後的話重覆一次

最近, 蛋媽察覺到蛋爺唔喜歡到幼稚園面試, 係差唔多要去前幾日我提起要去學校玩玩具, 參觀, 順便與老師傾計

蛋爺:    媽媽我唔去學校

蛋媽:    係呀, 你唔想去玩大車咩, 仲諗住去睇下間學校d車係咪好大架

蛋爺:    我都唔玩大車

蛋媽:    點解呀, 你係大哥哥又咁大力, 要玩大車架

蛋爺:    果度既老師唔好架, 而家學校老師好好架

蛋媽:    係呀, 而家老師好好, 好錫蛋蛋

蛋爺:    係架, 我鍾意佢地

當蛋媽知道佢只不過係擔心老師唔好, 而唔係怕其他, 就從老師入手, 例如: 見完後都會幫老師讚下佢做得好, 試過兩次, 蛋爺對去新學校面試已經唔抗拒啦.

但有一樣攪唔清, 佢成日面試時都叫番屋企, 玩完啦, 咁又點………諗諗計先!