理髮記

轉眼五個月，BeBe豬D頭髮長返晒，可愛返晒啦。由於上次把BeBe豬弄成這樣，依依姨對婆婆作出嚴重警告。上次受到惡評如潮，婆婆亦不敢做次，今次拉埋依依姨、依依's媽、大姨婆一齊去。

都未開始，只係披毛巾咋，極怕生同細膽嘅BeBe豬已經嚇到喊。好不容易把他安撫了，不肯坐BB椅也只好坐在婆婆大髀上剪。

傷心的瞅著婆婆。

一落剪，崩潰了，眼淚決湜。

中段曾經平復過，玩吓梳，玩吓手機分散注意力。

我一邊同理髮司講唔洗剪咁短，婆婆𨍭頭又同人講要短D，好彩我吋步不離嗻，否則BeBe豬個頭都唔知會變成點。

不過，喊吓停吓咁，都咪話唔攰㗎。剪到後段，BeBe豬已經down晒，條披肩都有佢嘅眼水。

本來情況略見好轉，最後一步，理髮司問婆婆BeBe豬怕唔怕機器聲。婆婆二話不說話唔怕，依依姨便立即反影自己對BeBe豬嘅了解，佢係超怕的。可惜，婆婆向理髮司堅持說唔怕。結果，電剃刀woo一聲響起，BeBe豬又再大大大崩潰，依依姨趕緊將佢抱住，所以大家無緣見到佢個大大大喊飽樣啦。我只能說句，婆婆你太唔了解你個孫啦。

就是離開了理髮店，BeBe豬還是段段續續的飲泣了好一會，一直樹熊抱著依依姨，腳仔夾到我實一實，並趕走婆婆同姨婆們。為咗令佢開心返，我哋又去McDonald's啦。傻豬仔嘅心情簡直係180度大轉變，笑翻晒啦。

BeBe豬，冇辦法啦，我哋人類D頭髮就是會這樣不斷的生長（哈哈，衹能說希望你大個仔時唔會面對髮線上升同頭髮不再長出來的煩惱啦）。所以像今天這樣可怕的事情（其實沒有那麼可怕的傻豬！），你每隔一段時間又要經歷一次。希望你慢慢克服佢吖。依依姨會盡量每次都陪在你身邊，直到你覺得由家人陪去剪髮太遜為止的。