11-22 Georgetown, Croydon

一朝早起身就係要開始趕路, 目的就係要係11月27日前去到Darwin, 朝早由於有落雨的關係, 所以就唔算好熱, 如果之後一直係咁的天氣就好了~

今日係Heales Outlook睇埋最後一次的樹林景觀, 我地就要同樹林Say Goodbye, 因為我地會踏入沙漠地區. 開始我地熱到傻的生涯~

(01) Heales Outlook

由九點一直至下午一點, 先見到一個小鎮. 期間, 我感覺好似變了, 之前一個大城市, 好似個個都好有錢, 好享受, 但入到半沙漠區, 感覺好似好虛無, 只見到大量瘦瘦的牛, 隔一陣就見到死袋鼠, 再行多一陣就見到燒過的山林, 感覺其實係自己都得多好多好的東西, 但只係自己冇發覺~

今日發生了好多事, 先係Mika俾警察叫停車, 然後做酒精測試, 因為話佢手車左搖右擺喎! 再來就係Ari直衝直撞路牌, 成個Give Away夷為平地! (後記: 聽MIKA講, 我地好彩有呢塊路牌, 否則連人帶車衝落河...)

一點幾, 終於去到Georgetown, 已經熱到半死, 所以Mika連食0野的胃口都冇, 而我地就同車車一齊休息了半個鐘就繼續上路~

點知行到三點都未夠, 架車開始冒煙, 之後我地截了一架運木的車叫佢地幫手, 檢查過後, 原來係冇晒機油, 引擎過熱燒到黑0左~ 唉~ 唯有暫時棄車跟佢地一直去Croydon再作打算, 去到Croydon, 見到一家小型超市, 好彩仲未關, 所以搵佢地幫手問如果我地呢個情況點算, 老闆娘Barbara好好人, 俾好多意見我地, 由於今日係星期日, 乜都唔Q開的關係, 我地乜都做唔到. 所以Barbara叫我地是晚係佢屋企留宿一晚, 明天再作打算~

要等佢收工先可以返去, 所以係Croydon附近行行, 乜都冇, 只有一家HOTEL仔, 同勁原始的學校, 警察局, INFO CTR… 全部冇開, 而見得最多的, 係袋鼠, D袋鼠傻GA, 無處不在~

Barbara心地好好, 無條件俾我地留宿同食大餐, 佢話, 因為佢個仔係外地時, 需要人幫忙而當地人肯無條件幫係一件好好的事, 所以當佢知道我地咁0既情況時, 佢都幫得就幫~

(02) 左上: Croydon的INFO CTR, 有好多銅製品; 右上: 周街行的袋鼠; 左下: Barbara家享用大餐, 超感動; 右下: 一間五百呎的大房, 俾我地三個人住, 仲問我地夠唔夠用!!

多謝晒, 一班好好的澳洲朋友~