大兔與蛋散

妹妹搬屋隻兔仔「蛋散」唔養，結果俾阿媽養。我於是就負責將蛋散由妹妹將軍澳家搬返媽媽馬鞍山家。

蛋散都算慘，當年妹子收留牠時，已經是第一次被人棄養，估不到一年後，再次被人棄養。媽媽原本竟諗住用個環保袋就咁袋住蛋散搭巴士由將軍澳…怎可以讓蛋散那麼慘？

好在識得有老友做運輸，搵佢拍心口兼請佢食餐勁，就搞掂佢肯幫手運兔仔。不過為了遷就大家時間，蛋散要暫時搬到我家住兩天先，等適合時機再搬佢返馬鞍山。

大家都知我自己已經有隻大兔，我知兔仔的地盤意識好鬼強，所以搬蛋散回家時，已經好小心咁不要讓我家的大兔發現，並放蛋散在大兔見不到的地方，怎知大兔隻鼻好靈早早就聞到第二隻兔仔浸味，即刻唔開心，到第二朝大兔開始無心情玩絕食…阿大小姐真係難服侍~

為免餓親大兔小姐，於是我當晚拿拿聲 call 齊兄弟第一時間將蛋散搬返馬鞍山。

無左蛋散浸味 (其實我地根本聞唔到)，大兔終於食返野喇，仲好好胃口添~~~

希望比較文靜既蛋散，會好好地和媽媽生活。