11.22.2009 樂盃盃操山日

全部人早兩日都去哂行毅行者，得我同老鬼練。13-19 度，濕度 57-65%，好大風，好凍。
又操山又影相，真好好唔得閒。
今次好努力，唔計食野時間(40分鐘)，用左五小時多D完成，包括行錯兩次路同影相時間，算好滿意。

睇黎至潮既應該係我頸上既"祝君早安"毛巾，佢仲好實用架。

途中遇上好友阿旭、YanYan同華哥。
    

呢 D 山勢雖然靚，但需要好小心。(早兩日有磯釣人仕起火石洲俾因風化而跌落黎既大石掟死左，單新聞好震撼、好慘。祝該名市民早日安息。)                  

大浪西灣適逢有滑浪賽事，氣氛熱鬧。   

又遇上阿旭同 YanYan，好高興。之後仲去左咸田灣士多食野添。  

士多搞笑唐狗。