01.08 Nikon D300

終於買到啦！

Nikon 自舊年 (2007) 11 月推出 D3 ($34,800) 同 D300 ($13980) 後，市面一直缺貨。一般商鋪都要求客戶落訂排隊，非常渴求。

我起 2002 年 4月就支持 Nikon 買左 D100，我喜歡數碼攝影係因為方便後期相，用 Photoshop 就好似有左黑房起屋企咁，好多樂趣。

2005 年出左 D200，我冇即時追換機。我希望我係玩影相而唔係玩相機。我相信好既相片唔一定係用最新、最先進既相機先至可以做到。相反有好既相機亦唔代表影出黎既相係一定好。(呢個只係我個人既選擇，我有好多朋友都會即時換機，我都好支持佢地架。)不過講番呢一代新機真係有好多改進，我都係時候 upgrade 啦。

多謝我同事 Winnie 同 Dominic 幫我獲得以優惠價 $12500 買到 D300，實在感激。透過網誌同你地講聲多謝。

你睇佢係咪好靚仔呢？叉完電，仲未試機。希望日後有機會同大家分享一 D 佢影到既相，以及同大家影到靚相。

至於有朋友話我部 D100 已經冇用，不如出黎抽獎。我經過深思熟慮後，決定唔想江湖上引起無謂既殺，搞到腥風血雨就真係唔想。所以暫時都係唔會有乜行動。咁樣先可以響應曾特首呼籲大家要做到既和諧社會嘛。