06.05-06.2009 08緣份、09再續

往年答應幫手帶學生去乘風航，無奈出發前數天收到通知，壞船。行程被迫取消。

今年照樣申請，往年中四既學生今年已經完成會考喇。早兩日天氣仲係唔多穩定，星期三有過雷雨。但呢兩日天氣就好到不得了。第二日仲錄得今年全年最高溫，有32.9 度。

乘風航係賽馬會資助，提供海上歷奇訓練既一艘中式帆船。連船尾為細小既一塊帆，共有三塊帆。全部帆起哂真係好有中國魔盜王既氣勢。一隻船已經感覺好勁。唔難想像歷史中<鄭和>同<哥倫布>呢 D 遠洋船隊既氣勢同浪漫。   

一上船當然先黎做個 briefing 喇。講緊野既係何樹明主教練。其他仲有好多好幫得手既導師，包括有 鍾Sir、Jimmy、大俠、阿San、Simon、阿 Nok、Winson、....等等。       

航程由香港仔經石澳出西貢海。   

西貢沿岸真係好多海蝕洞。 

船長選擇到糧船灣洲內灣落錨。o個度比較風平浪靜。見到 D 獨木舟都黎玩就知喇。           

學生要分組輪流煮飯。 

同洗碗。 

其他係活動時間，好充實架。我都好驚呢個項目有人會跌落海，但好成功咁完成左。叻！ 

塊凸出去既板係要佢地合作定住起船邊架。 

呢個項目係要佢地起船頭爬出船身，爬過兩個吊落黎既車，起船邊個窿入番黎。好玩。                    

呢個睇黎好似好易，其實……。                  

呢個亦好有難度，要自己諗各樣策略去完成。 

哇，Johnny Depp 個特技替身都黎左，真係睇到都興奮。 

等我都玩埋一份先。

Fing 一轉之後就要落埋水喇。教練 Jimmy 先黎個插水式示範。                                     

呢個唔知係咪 "大快活" 既 fans。  

呢個咁落水肯定痛死人。 

呢個都睇怕…。      

呢兩個就夠哂台型喇。               

學生要分組通宵巡邏，睇下有冇扒錨，有冇人黎偷快艇，船身安全燈是否正常…等等。

~~~~~~~~~~~~~~~~~~~~~~~~~~~~~~~~~~~~~~~~

第二日行程係 7:00 起床，7:15 熱身後跳船游早水。之後先至食早餐。

大俠教練正在講解下一項任務。就係要爬上圍欄行去近船頭跳落海。

呢個同學一馬當先，唔駛人幫。  

識唔識游水都要全部落哂海。                                   

噚日佢地 D 項目係有比賽性質，我不便參予太多。今日就同佢地玩埋一份。下面係船上最高位置跳落海。(唔驚係有竅門既。)                                      

生還者。            

"重頭"項目係游埋沙灘。對唔識游水既同學確實係挑戰。        

午飯後，終於黎到最後清潔環節。 

我都想企上桅杆影相，好型架。不過帶隊關係，唔可以亂黎。                                 

有幸尾帆都起埋。Captain：Warp  Speed 全速航行。

一眾領隊老師。 

全體 45 個學生 + 4 位導師合照。 

三帆盡揚入維港，感覺 very good。                               

而家 D 學生其實好幸福。何教練除左俾佢地玩之餘，仲滲透好多做人既原則同道理。咁多資源俾過佢地，真係希望佢地識得珍惜同感激。