01.16.2009 生日雙星：國蓮+樹文

又一年喇。一月雙星係國蓮同樹文。佢地呢個蛋糕叫芒果脆脆(起美心買既)，我覺得幾好味。

 我地去左深水宇宙商場一間酒樓食火窩。訂左間房，諗住自在 D。點知間房好細，好在各人玩得好投入，好似唔多介意。    

阿賢今日下午去左 Oakley 開倉，買左個太陽眼鏡。結果俾左我地各人試戴玩左一餐。                          今晚有 16 人一齊玩，好熱鬧架。之後仲去左松記食糖水。壽星請客。盡興而歸。