Iressa Vs $, 盾矛的心情

早前媽試過去浸大睇中醫, 希望調理一下腸胃. 本來想約董汝玲醫師, 卻要等上個月!! 唯有照約, (但今日約CT會撞期, 唯有改中醫的期) 之後要自己計數, 想睇那日的早一個月打去約. 終於睇住另一位醫師先. 不過食完都沒有什麼幫助! 反而食後喉嚨痛咗! 唔知係咁啱, 定係啲葯燥? 或電療後的反應而家至出來?

今日醫生話食Iressa就唔好食中葯, 怕影響個肝, 但中醫就話唔怕的. 我都會想暫時兩星期試葯, 不要食中葯, 先睇吓情況如何. 到時會再去見醫生. 萬一副作用太大, 或者真係冇用, 至睇靠中醫穩定病情吧...... 只要西葯有效, 就只係久不久睇吓, 調理一下, 扶正一下, 穩定了, 檢查過都ok, 就放心中西兩邊啦!

雖然人人都話有, 大病之後的人, 更懂得$原來不是最重要. 可是好現實的, 如今這卻是一個問題!!! 眼見呢兩個月用$, 好似倒水般, 真係心寒. 自問一向不揮霍, 應洗則洗; 自問條件不足, 所以也不刻意打扮, 追求時髦, 或到處搵食, 胡亂揮霍. 可是自從媽腰骨有事那年, 花上的時間和金錢已叫我擔心. 今次呢一場真係更難走了, 似是無望.......

心裡很矛盾: 到底現在為的是什麼? 當然憑著搏一搏的機會, 希望隻葯有效, 令媽媽精神啲, 腫瘤縮細啲, 一切穩定就好啦! 但$就會很頭痛, 會無力應負! 但如果神真的是知道一切, 不想我為$而憂, 就索性待試過隻葯, 就証明沒有效, 即係不用想西醫方法, 就不用花那麼多錢, 就去睇中醫吧! 我又會點感受呢? 但只怕中葯效果慢, 或有冇幫助呢? 我真的很矛盾, 到底我是祈求隻葯有效定冇效呢?

坦白說, 就是她再多半年, 一年, 兩年甚至更多時日, 又有何分別呢? 自問沒有能力賺錢給她改善生活環境, 沒有本事, 為她找來多半邊仔照顧孝順她, 沒有可能跟她到處遊玩見識一下. 見佢有時冇力行, 真係好心痛. 想佢行吓公園, 吸吓新鮮空氣; 想佢練吓簡單氣功六字訣的口, 她也不太投入. 我是明白的.

自己也明白, 還是先看葯的效果. 或許是假陰性, 所以其實係有效, 或許真的是基因沒變而冇效. 或許神會借葯物醫治, 或許祂會借無效來減輕經濟負擔. 總會有個借口來吧!! 或許是我想得太多, 但也不到我不去想.......