網誌分類：生活篇 |
昨晚睇個日本電視節目很精彩，叫「亞笨與亞占」，類似「bb也shopping」，不過今次的主角是一隻馬騮同一條狗，主人要佢地完成某d任務，在過程中拍底佢地d趣緻、蝦碌鏡頭，好 cute呀！
過程中兩隻野係交叉路有找錯方向，路途中有貪現想跟人走，又有遇到困難唔知點算，主人靜靜雞睇住，非常時期時就會現身；好似我地個天父一樣！
想起以前唔聽爸爸話時，佢最鍾意指住馬戲班ｄ動物來話：畜牲都教得聽，點解人話唔聽。無他的～上帝俾人有自由意志嗎！其實亞笨同亞占有無選擇唔完成任務的自由呢？試問有邊個父母唔想仔女聰明伶俐、精乖可愛，如果你已為人父母，相信感受更深，並明白天父的心意。
「我兒，要聽你父親的訓誨，不可離棄你母親的法則。」[箴 1:8]
下星期五７：００無線繼續有得睇，若你有仔女一齊睇，我相信會仲開心！
（網上都有得睇http://www.youtube.com/watch?v=IROe6jHFwDk）
剛剛收到建道開學資料一大份，頭都痛！又係一個個mug mug操練營，迎新會….等等，要到18號先正式上堂，雖然都慣，但係「慣」同「鍾意」係兩碼子的事！！
笨蛋
藥丸Pill 2006-07-15 15:01
我都有睇
好好笑