I'll enjoy "it"

或者, 我唔應該去諗一d唔開心既事....
或者, 答案同我地都已經好接近...
或者, 呢一日就快會到...
或者, 呢幾日係你為將來而預備....
或者, 我之前既諗法都係錯...

呢幾日我好開心, 有好多我從來都未諗過事發生...好似每一次上晝聽到電話響...來電顯示既名, 第一句說話..."今日一齊食飯呀?" 每一次都一樣, 哈哈~ 你好搞笑....日日都會有唔同既IQ題為我而準備, 唔會冷場既Lunch...自從轉工之後, 可以一個星期見多你一, 兩次, 我實在太喜歡呢份工啦...發覺你對我d態度好唔同, 我開始有少少feel到d野...雖然大家都冇開口, 不過我都會先enjoy而家同你一齊既每一日...

尋日我好開心, 可能其他人會覺得好小事, 但我好清楚你既為人, 你係一個不太理人, 不太為人設想, 十分自我既人....當我見到你既名出現係來電顯示, 我知道你又要搵我食飯啦....
"不如去返上一次間餐廳.....
我唔係太記得點行過去喎....
咁一係去返你公司附近果間啦....
唔好食既, 一係我試下行啦, 應該都ok既....
好啦, 咁你唔識call我啦, 我去搵位先....
我要過多20分鐘先ok喎....
好啦..."
到我行到一半又收到你既電話.....
"你去到邊呀???
我差唔多到啦, 好快.....
唔好行住, 你識咩?
我識呱.....
我行左去你公司樓下呀...你而家起邊呀, 我黎搵你啦, 唔好行開啦.....
好啦, 快d呀, 呢度好曬呀!!
你搵個陰d既位啦...唉~ 唔行咁遠呀....."
就係咁...我就已經開心左成日啦, 我覺得好搞笑呀....唔知你又咩感覺呢, 日日同你講唔同既野, 知你既野一日比一日多....開始一日比一日更喜歡你....我會將你既說話記住, 變成我地將來既話題, 我期待呢一日, 我都相信呢一日好快出現係我地既生命上....