21.08.08 4條King的約會

之前約咗女, 今日梗要約吓d仔見吓面~~~其實Hilda想約咗呢3個媽咪好耐, 雖然我哋一路都冇斷過聯絡, 之前幼潛仲個個星期見, 但自幼潛完咗之後, 就少咗見喇, 只係7月d生日見過幾次之ma, 但呢d唔算呀, 我講緊嘅4條KING真真正正嘅約會呀~~

Issac仔一上巴士就瞓, 瞓到好似人地番完一日工好攰咁~~個咀仔真係好嘟呀~~

首先約咗包包媽一齊上去菲比度, sorry呀奧斯卡, 我遲到, 下次請妳食飯補數~~

上到去, 軒軒就一路ayayayaya咁叫住爬出嚟迎接, 軒軒真係好多嘢講, 好過癮, Issac有你一半就好, 有時Issac靜起上嚟, 我好似得自己一個喺屋企咁, 有軒軒就唔會有悶場呢

電視迷軒軒

Issac仔除咗痴實我之外, 肯行開吓就係去咗幫菲比ee執櫃

包大人就好知定咁自己搵嘢玩, 不過佢一路玩一路比軒軒追住, 軒軒仲肉緊到好想將包大人按在地下, 哈哈~~下次真係要加d女入嚟平衡吓先得~~

臭B最遲嚟啦~~CANDY下次妳一定要第一個到呀吓!! 唔准咁遲嚟, 搞到我都冇得點抱臭B添~~

包包個樣真係好嗲

好鍾意伸脷嘅臭b

好動軒軒

唔該哂candy個姐姐幫手楂機, 我哋就有合照喇~~(其實軒軒爸爸喺房的, 不過可能我哋太嘈, 嘈到佢都唔想出來)

今次大家都一致公認issac好痴身, 臭b好上鏡, 軒軒最活躍, 包包就最定! 睇住呢4個baby一齊大, 早兩晚喺candy個blog睇番第一次約會d相~~好感慨, 咁就識咗年幾喇我哋, 尤其菲比, 陀住Issac4個月我就識妳喇~~下次要同妳地搞番個相識紀念日先得

好啦~~妳哋3個快d比個期嚟喇~~要時間長d嘅, 我要夠時間同埋4條仔玩嘅!!

跟住我同Issac就落去德福會合爸爸, 因為我哋要去mega box拎番上次攝影比賽張high chair~~

喺mother care出面有滑梯, 不過Issac依然好憎, 自己爬上去就好地地, 妳要佢sir落嚟, 佢就e嘩鬼叫眼都紅哂!!