煲仔飯

2009年11月18日 (三) 10度

好凍呀, 好凍呀!

呆了兩天無去街, 日出而作, 日入而息, 今日阿媽有節目唔煮飯, 我便book左小成一齊dinner。而小成又約左老友f4交收, 咁就一齊啦! 仲好啦, 多d人食, 多d choice!10度食咩好? 就來殘忍一下, 食個煲仔飯。

我一臉天真的問我個best friend vicky (by email), 其實煲仔飯有咩特別? 是否等於媽咪整的'有味飯', 再加煲仔飯鼓油? Vicky話唔同架, 好味在有飯焦!

既然嬌滴滴的vicky也力推廟街煲仔飯, 我們三個就到廟街一躺, 嘩........原來咁多人架? 個個都坐晒出街, 再遲D仲要等位tim!

我們三個人，一人叫了一個煲仔飯+蠔餅! 但結果, 只黎左兩個飯+蠔餅。無論我們怎樣催, 佢地都唔會理, 算了吧! 這種地方就是這樣。我們欣然接受, 並不是怕事。我發現這裡值得力推的, 不是煲仔飯, 而是''一番風味''。

有無看過新不了情? 廟街就是新不了情, 我們看見的是一個未經包裝的香港。原汁原味, 正呀! 有人唱戲, 有阿伯玩紙牌，有古靈精怪你買唔落手的飾物，衣服，皮帶, 有人睇相, 睇掌, 玩塔羅。

請問煲仔飯的飯焦在那裡? 無呀! 吃到底也找不著呢?!

一臉疑惑的我。

好像....和家裡的'有味飯', 無咩分別lor!