螢之光

2009年4月6日 (一)

在很久以前, 一個夏天的記億, 係好細既我手裡面有一隻好細既螢火蟲, 似乎就黎要消失既小小光芒。

我講緊既係一套日劇──螢之光的開場白。 一個懶洋洋的星期六早上, 一盒檸檬茶 + 一包粟一燒, 我好歎咁樣睇電視, 當時就是播著這套劇。

實在太好啦, 呢套劇完全擊中了我的心事, 我好明白當中的概念, "都係番到屋企最舒服!"

那天, 去完研討會, 我覺得好累好累, 唔單只係因為2"的高根鞋, gel行了的馬尾, 最令我覺得疲憊的其實係精神壓力, 無人迫我, 只係自己想做好D, 我提醒自己要笑, 不要駝背。終於完結可以歸家, 我郤搭錯車去了天后, 所以我由天后行到銅鑼灣行到前三越的車站, 好累。

回到家無人, 此刻, 我才可以任意妄為, 首先打開個雪櫃, 拿出一盒檸檬茶! 真好, 枱上有一包吃剩的粟一燒, 還是很餓, 再煮一個公仔麵, 吃罷了, 我不收拾, 我在看大冬瓜。

就是這種感覺了, 好放肆, 唔洗理人點睇, 唔洗驚比人話, 同時, 你亦無須誇獎我, 奉承我, 這一個moment就係完完全全屬於我一個人。

乾物女 or 魚乾女的意思就是一個很久沒有拍拖的女性, 平時又不愛與朋友同事聯誼, 放工立即回家, 在家又不打扮, 不修邊幅, 隨地look, 喝啤酒,好dry, 家中混亂不堪。就像人群中的一條魚乾, 了無生氣, 每天營營役役!

我認為我不算魚乾, 不過我真係好喜歡這套日劇, 不論你是怎樣的人, 不論所為的是工作, 愛情, 經濟, 或是你沒有任何煩惱也好, 我相信你也需要這個空間。我們都是螢火蟲, 每個人也可以發光發亮, 即使只係一丁點的光。

為此, 這兩天我與大頭玩遊戲，我要他叫我做 "小螢" (女主角的名字), 我叫他''小成''(劇中的重要角色, 但不是男主角), 睇怕小成也應該能接受一個真實的我。我信你!